হোজাই,1আগষ্ট : তিনি তালকক সমৰ্থন নকৰে এআইডিইউএফৰ প্ৰাক্তন বিধায়ক তথা বৰ্তমানৰ সাংসদ আজমলে ৷ বৃহস্পতিবাৰে হোজাইত সাংসদ গৰাকীয়ে কয় যে,তালাক প্ৰক্ৰিয়া হিন্দু সমাজত বেছি । হিন্দু সমাজত ৬৮ শতাংশ আৰু মুছলমান সমাজত ২৬ শতাংশহে তালাক হয় ৷ তিনি তালাক বিধেয়ক সন্দৰ্ভত আজমলে কয় – ''তিনি তালাক বিধেয়ক কোনোপধ্যে সমৰ্থন নকৰো । অত্যাচাৰ হিচাপে অনা হৈছে এই বিধেয়ক । এই বিধেয়কৰ পৰা কোনো লাভ নহ’ব'' ৷
তিনিতালাকৰ বিৰোধীতা আজমলৰ
বিজেপিক মুছলমানবিৰোধী চৰকাৰ আখ্যা দি বিজেপিয়ে মুছলমানবিৰোধী বিধেয়ক আনিব আৰু গৃহীত কৰিবই বুলি সাংবাদিকৰ আগত মন্তব্য কৰে আজমলে ৷ লগতে তেওঁ কয়, তিনি তালাক বহু দূৰৰ কথা, আমাৰ ধৰ্মত এক তালাকেই বহু বেয়া কাম । তালাক দিয়া মানেই ভুল কৰিছে । তিনি তালাক হ'লে মুছলমানে লাজ পায় বুলিও মত পোষণ কৰে সাংসদগৰাকীয়ে ৷
