হোজাই, 14 ছেপ্তেম্বৰ: হোজাইৰ দেৱস্থানত জালনোটেৰে সমগ্ৰী ক্ৰয় কৰিবলৈ আহি আটক অভিযুক্ত ৷ দেৱস্থান বজাৰত ৰাইজে খেদি-খেদি আটক কৰিলে নকল টকাৰ ব্যৱসায়ৰ লগত জড়িত অভিযুক্ত জিয়া উদ্দিন নামৰ এজন লোকক ৷ আটকাধীন লোকজন মোৰাঝাৰ থানাৰ অন্তৰ্গত শিংগিৰপাৰ গাঁৱৰ বাসিন্দা বুলি জানিব পৰা গৈছে ৷
হোজাইৰ দেৱস্থানত জালনোটসহ আটক অভিযুক্ত
দেৱস্থান বজাৰৰ এগৰাকী ব্যৱসায়ীৰ পৰাই কেইবাবাৰো নকল টকাৰ বিনিময়ত সামগ্ৰী ক্ৰয় কৰি ধৰা পৰে লোকজন ৷ অভিযুক্তৰ স্বীকাৰোক্তিৰ ভিত্তিত জানিব পৰা গৈছে যে, পূৰ্বতেও জালনোট ব্যৱসায়ৰ লগত জড়িত থকাৰ অভিযোগত জেললৈ গৈছিল তেওঁ ৷ উল্লেখ্য যে, ভুক্তভোগী ব্যৱসায়ী গৰাকীয়ে অভিযুক্তৰ বিৰুদ্ধে দেৱস্থান আৰক্ষী থানাত এট গোচৰ ৰুজু কৰে ৷ দেৱস্থান আৰক্ষীয়ে জিয়া উদ্দিনক শংকৰদেৱ নগৰ আদালতত হাজিৰ কৰাই সোধপোছৰ বাবে পুনৰ তেওঁলোকৰ জিম্মালৈ আনে ৷
লগতে পঢ়ক: হোজাইত ৰাইজৰ ৰোষত স্বয়ম্ভু অনলাইন প্ৰেমিক
