হোজাই, 10 জুলাইঃ ধন উপাৰ্জনৰ উদ্দেশ্যে এতিয়া বহুতেই ইউটিউব চেনেল খোলে ৷ ইউটিউবৰ পৰা পোৱা ধনেৰে বহুতেই স্বাৱলম্বী হ'বলৈও সক্ষম হৈছে ৷ কিন্তু ইউটিউবৰ ধনৰ বাবেই এতিয়া আইনী মেৰপেঁচত সোমাই পৰিছে হোজাইৰ এজন ইউটিউবাৰ ৷ 'The All Networks' চেনেলটোৰ পৰিচালক তাজ উদ্দিনৰ বিৰুদ্ধে গোচৰ তৰিছে তেওঁৰে সহকৰ্মীয়ে । চেনেলটোৰ পৰা উপাৰ্জিত ধন আত্মসাতৰ অভিযোগ তাজ উদ্দিনৰ বিৰুদ্ধে ।আনহাতে, ধন আত্মসাতৰ অভিযোগ সম্পূৰ্ণৰূপে অস্বীকাৰ কৰিছে তাজ উদ্দিনে ।
উল্লেখ্য যে, চেনেলটোত প্ৰচাৰ আৰু প্ৰসাৰৰ বাবে দুটা বিশেষ চৰ্তত হিফজুৰ ৰহমান,ৱাহিদুৰ ৰহমান আৰু চাৰিমুল হুছেইন নামৰ যুৱক তিনিজনে সহযোগিতা আগবঢ়াইছিল ৷ কিন্তু সেই চৰ্ত ৰক্ষা কৰা নাছিল তাজ উদ্দিনৰ তিনি সহকৰ্মীয়ে ৷ সময় সাপেক্ষে ইউটিউবৰ নীতি অনুসৰি তাজ উদ্দিনৰ একাউন্টতত 20 হাজাৰ টকা জমা হয় ৷ জমা হোৱা ধনৰাশিৰ ভাগ বিচাৰি তিনি সহকৰ্মীয়ে বৰ্তমান ভাবুকি প্ৰদান কৰাৰ লগতে কাকী আৰক্ষী থানাত এক গোচৰ ৰুজু কৰে ।
