হোজাই, ১০ জুন: হোজাই জিলা উপ আৰক্ষী অধীক্ষক দীপ্তি মালীয়ে এক অভিযান চলাই বুধবাৰে ব্ৰাউন চুগাৰ সহ আটক কৰে দুই সৰবৰাহকাৰী । ৩৬ নং ৰাষ্ট্ৰীয় ঘাইপথৰে নগাঁও অভিমুখে গৈ থকা অবস্থাত ডবকাৰ বায়পাছত NL-07CA-1959 নম্বৰৰ এখন ৱেগনাৰ গাড়ীৰ পৰা উদ্ধাৰ কৰে বহু পৰিমানৰ ব্ৰাউন চুগাৰখিনি ।
জব্দকৃত ব্ৰাউন চুগাৰ খিনিৰ বজাৰ মূল ১০ লাখ টকাৰো অধিক হ'ব বুলি অনুমান কৰিছে আৰক্ষীয়ে । বিশেষ সূত্ৰৰ পম খেদি উপ আৰক্ষী অধীক্ষক দীপ্তি মালীয়ে চলাইছিল এই অভিযান ।
হোজাইত ১০লক্ষাধিক টকাৰ ব্ৰাউন চুগাৰ জব্দ
আৰক্ষীৰ এই অভিযানত আটক হৈছে হোজাইৰ ইছলাম নগৰৰ তাৰিখ হুছেইন আৰু ফুজেইন আহমেদ । ইতিমধ্যে আৰক্ষীয়ে ব্ৰাউন চুগাৰসহ বাহনখন জব্দ কৰাৰ লগতে আটকাধীন দুই ড্ৰাগছ সৰবৰাহকাৰীক জেল হাজোতলৈ প্ৰেৰণ কৰিছে।
লগতে চাওকঃ প্ৰতাৰণাৰ সন্মুখীন হৈছে নেকি জোনাইৰ নৈপৰীয়াবাসী ?
