হোজাই,26 এপ্ৰিল : প্ৰশাসনে জাৰি কৰা ক’ভিড প্ৰট'কল মানি হোজাইত উদযাপন কৰা হৈছে ৩৬ তম কেন্দ্ৰীয় ৰঙালী বিহু । হোজাইৰ বিধায়ক শিলাদিত্য দেৱৰ সভাপতিত্বত সীমিত সংখ্যক লোকৰে অনুষ্টুপীয়াকৈ উদযাপন কৰা হৈছে এইবাৰৰ কেন্দ্ৰীয় ৰঙালী বিহু।
হোজাইত শিলাদিত্য দেৱৰ সভাপতিত্বত বিহু উদযাপন
বিহুৰ কাৰ্যসূচী অনুসৰি পুৱাৰ ভাগত বিহু উদযাপন সমিতিৰ সভাপতি শিলাদিত্য দেৱে পতাকা উত্তোলন কৰে ৷ তাৰ পিছতে শ্বহীদ তৰ্পন, গছপুলি ৰোপণ কাৰ্যসূচী আৰম্ভ হয় ৷ ইয়াৰোপৰি সদ্য প্ৰয়াত অসমৰ জনপ্ৰিয় কণ্ঠশিল্পী ভিটালী দাসৰ আত্মাৰ চিৰশান্তি কামনাৰে এক মিনিট মৌন প্রার্থনা কৰাৰ লগতে শ্ৰদ্ধাঞ্জলি জ্ঞাপন কৰে ৰাইজে ৷ ইয়াৰ পিছতেই আমন্ত্ৰিত হুঁচৰি দলৰ হুঁচৰি প্ৰদৰ্শনৰে বিহুৰ কাৰ্যসূচী সামৰণি পৰে।
