হোজাই,1 এপ্ৰিল: ৰাজ্যৰ 91 নং হোজাই বিধানসভা সমষ্টিত অব্যাহত আছে ভোটদান প্ৰক্ৰিয়া ৷ হোজাই সমষ্টিৰ বৰডংকি প্ৰাথমিক বিদ্যালয়ত বৃহস্পতিবাৰে ভোটদান কৰে এআইইউডিএফ প্ৰধান বদৰুদ্দিন আজমলে ৷ বদৰুদ্দিন আজমলৰ লগতে ভাতৃ তথা যমুনামুখ বিধানসভা সমষ্টিৰ এআইডিএফৰ প্ৰাৰ্থী চিৰাজ উদ্দিন আজমল, বদৰুদ্দিন আজমলৰ দুই পুত্ৰয়েও ভোট দান কৰে ৷
ভোটদান কৰি সাংবাদিকৰ লগত হোৱা মত বিনিময়ত বদৰুদ্দিন আজমলে কয় যে, প্ৰত্যেকবাৰ তেওঁ হোজাই সমষ্টিত যাক ভোটদান কৰে সেইজন হাৰি যায় ৷ এইবাৰ আজমলে যাক ভোটদান কৰিছে সেইজন জিকিব বুলি দাবী কৰিছে এআইইউডিএফ প্ৰধান গৰাকীয়ে ৷ তদুপৰি দ্বিতীয় পৰ্যায়ৰ নিৰ্বাচনত মহাজোঁট বন্ধনে 30 খন আসন লাভ কৰিব বুলিও দাবী কৰিছে নেতাগৰাকীয়ে ৷
আনহাতে চিৰাজ উদ্দিন আজমলে ভোটদান কৰি সাংবাদিকৰ লগত হোৱা মত বিনিময়ত এইবাৰ যমুনামুখত ডেৰ লাখ ভোটৰ ব্যৱধানত জয় লাভ কৰিব বুলি দাবী কৰে ৷
লগতে পঢ়ক: জনতা ভৱনৰ পৰা পোনপটীয়া নিৰীক্ষণত ৫০ শতাংশ ভোটকেন্দ্ৰ
