হোজাই,13 জুন : ৰাজ্যত সম্প্ৰতি মুখ্যমন্ত্ৰী ড৹ হিমন্ত বিশ্ব শৰ্মাৰ চৰকাৰে(CM Himanta Bishwa Sarma lead government) অবৈধ ভূমি বেদখলকাৰী(illegal land acquisition) ৰ বিৰুদ্ধে তীব্ৰ স্থিতি গ্ৰহণ কৰিছে ৷ এফালে যদি বেদখলকাৰীৰ দখলৰ পৰা ধৰ্মীয় স্থানৰ মাটি উদ্ধাৰ কৰিছে, আনফালে বনাঞ্চল অথবা কৃষিভূমিৰ মাটি উদ্ধাৰ কৰিবলৈ উঠি-পৰি লাগিছে চৰকাৰী পক্ষ ৷ এনে সময়তে ৰাজ্যত চৰকাৰী বিদ্যালয়ৰ মাটি অধিগ্ৰহণৰ এটা ঘটনা সংঘটিত হোৱাই উত্তপ্ত পৰিস্থিতিৰ সৃষ্টি কৰিছে হোজাই জিলাত ৷
উল্লেখযোগ্য যে, জিলাখনৰ নন্দলালপুৰস্থিত যোগীজান শিক্ষা খণ্ডৰ(Jogijan educational block) অন্তৰ্গত দলিৰপাৰ প্ৰাথমিক বিদ্যালয়ৰ মুঠ আঢ়ৈ বিঘা মাটিৰ এক বিঘা মাটি বেদখল কৰাৰ অভিযোগ উত্থাপিত হৈছে ৷ এই অভিযোগ উত্থাপিত হৈছে লালমহন বিশ্বাস নামৰ এজন লোকৰ বিৰুদ্ধে ৷ লোকজনে জোৰ-জুলুমকৈ চৰকাৰী বিদ্যালয়ৰ মাটি দখল কৰাৰ অভিযোগ উত্থাপন কৰি প্ৰতিবাদত লিপ্ত হ’ল অঞ্চলটোৰ দুই শতাধিক জনতা ৷
জানিব পৰা মতে, একেখন গাঁৱৰে লালমহন মালাকাৰ নামৰ ব্যক্তিজনে মইমতালিৰে বিদ্যালয়খনৰ মাটিত এখন দোকান স্থাপন কৰিছে ৷ এই ঘটনাত অতিষ্ঠ হৈ সম্প্ৰতি ৰাইজে মালাকাৰৰ বিৰুদ্ধে আৰক্ষীৰ ওচৰত গোচৰ ৰুজু (case registered) কৰিছে ৷ শেহতীয়াকৈ ৰাজ্য চৰকাৰে বেদখলকাৰীৰ বিৰুদ্ধে লোৱা কঠোৰ স্থিতিৰ সময়ত অঞ্চলবাসীয়ে এতিয়া বিদ্যালয়ৰ মাটি বেদখলৰ সৈতে জড়িত থকা লোক গৰাকীৰ বিৰুদ্ধেও কঠোৰ ব্যৱস্থাৰ আশা কৰিছে ৷
লগতে পঢ়ক: ৰজাবাৰী চাহ বাগিচাত শ্ৰমিকৰ উত্তাল প্ৰতিবাদ
