মেৰামতি নহয়, পুনৰ নিৰ্মাণ কৰা হ'ব ৰাজ্যৰ মথাউৰিঃ জলসম্পদ মন্ত্ৰী কেশৱ মহন্ত

নাগৰিকত্ব সংশোধনী বিধেয়কৰ ক্ষেত্ৰত মিত্ৰজোঁটৰ অংশীদাৰ হিচাপে আলোচনা আৰু সহমত দুয়োটাই হ'ব ৷ হাইলাকান্দিত মুখ্যমন্ত্ৰীৰ বিজ্ঞান দৰ্শন শীৰ্ষক অনুষ্ঠানত উপস্থিত থাকি এই মন্তব্য জলসম্পদ মন্ত্ৰী কেশৱ মহন্তৰ ৷

হাইলাকান্দি, 23 ছেপ্টেম্বৰঃ " এইবাৰ মথাউৰি মেৰামতি নহয়, পুনৰ নিৰ্মাণ কৰিবলৈ আঁচনি হাতত লোৱা হৈছে ৷ " সোমবাৰে হাইলাকান্দিত মুখ্যমন্ত্ৰীৰ বিজ্ঞান দৰ্শন শীৰ্ষক অনুষ্ঠানত উপস্থিত থকাৰ সময়ত এই মন্তব্য কৰে জলসম্পদ মন্ত্ৰী কেশৱ মহন্তই ৷ লগতে মথাউৰি নিৰ্মাণৰ পাচত তিনি বছৰলৈকে মথাউৰি সমূহ ৰক্ষণা বেক্ষণাৰ দায়িত্বতও থাকিব ঠিকাদাৰ সকল ৷

ইয়াৰোপৰি নাগৰিকত্ব সংশোধনী বিধেয়ক সন্দৰ্ভত সাংবাদিকে কৰা প্ৰশ্নত মন্ত্ৰী গৰাকীয়ে কয় যে, অসম গণ পৰিষদে এই ক্ষেত্ৰত ইতিমধ্যেই আলোচনা কৰিছে আৰু পূৰ্ৱৰ স্থিতিত অটল আছে ৷ মিত্ৰজোঁটৰ অংশীদাৰ হিচাপে কেবৰ বিষয়টোৰ ক্ষেত্ৰত আলোচনা আৰু সহমত দুয়োটাই হ'ব বুলিও জানিবলৈ দিয়ে মন্ত্ৰী গৰাকীয়ে ৷

আনহাতে মুখ্যমন্ত্ৰীৰ বিজ্ঞান দৰ্শন আঁচনিৰ জৰিয়তে শিশু সকলক বিজ্ঞানৰ লগত পৰিচয় কৰাই দিয়াৰ লগতে বিজ্ঞানৰ ওচৰ চপাই অনাটো সফল হৈছে বুলি মন্তব্য কৰে মন্ত্ৰী কেশৱ মহন্তই ৷