হাইলাকান্দি, 9 নৱেম্বৰ : অসম-মিজোৰাম সীমান্তকলৈ বৰাক উপত্যকাৰ তিনি জিলাত মিজো চৰকাৰ তথা সংগঠনৰ বিৰুদ্ধে প্ৰতিবাদ অব্যাহত আছে ৷ কিন্তু দীৰ্ঘদিন ধৰি কোনো ধৰণৰ সমস্যা সমাধান নোহোৱাৰ বাবে অসম-মিজোৰাম সীমান্তত ধাৰাবাহিকভাৱে অব্যাহত আছে প্ৰতিবাদ ।
দেওবাৰে পুনৰ হাইলাকান্দি কৃষক মুক্তি সংগ্ৰাম সমিতিৰ নেতৃত্বত অসম-মিজোৰাম সীমান্ত সমস্যা সমাধানৰ বাবে হাইলাকান্দি মাহম্দপুৰ ৰে'ল পথ অবৰোধ কৰি উত্তাল প্ৰতিবাদ সাব্যস্ত কৰিছে । প্ৰতিবাদত অসম চৰকাৰ হায় হায়,মিজোৰাম চৰকাৰ মুৰ্দাবাদ,মিজো সংগঠন হায় হায় আদি শ্ল'গানেৰে উত্তাল প্ৰতিবাদ সাব্যস্ত কৰিছে কৃষক মুক্তি সংগ্ৰাম সমিতিয়ে ।
প্ৰতিবাদকাৰীৰ দাবী অনুসৰি,শীঘ্ৰে সীমান্ত সমস্যা সমাধান কৰিব লাগে অন্যথা ৰে'ল পথ অবৰোধ অব্যাহত থাকিব বুলি জনাইছে কৃষক মুক্তি সংগ্ৰাম সমিতিৰ সদস্যসকলে ৷
লগতে পঢ়ক : ট্ৰাম্পৰ বিফলতাৰ কাৰণ হয়তো ক'ভিড-19 হ'ব পাৰে !
