শক্তি বিভাগ ব্যক্তিগতকৰণৰ বিৰুদ্ধে হাইলাকান্দিত প্ৰতিবাদ

শক্তি বিভাগ ব্যক্তিগতকৰণৰ বিৰুদ্ধে হাইলাকান্দিত প্ৰতিবাদ ৷ অসমৰ অন্যন্য প্ৰান্তৰ লগতে হাইলাকান্দিত শক্তি বিভাগৰ কৰ্মচাৰীৰ কৰ্মবিৰতি পালন ৷ তেওঁলোকৰ দাবী মানি নল'লে অধিক তীব্ৰ আন্দোলন গঢ়ি তোলাৰ হুংকাৰ ৷

হাইলাকান্দি, 19 অক্টোবৰ: অসম চৰকাৰে শক্তি বিভাগক ব্যক্তিগতকৰণ কৰাৰ বাবে সিদ্ধান্ত লোৱাৰ অভিযোগ উত্থাপন কৰি বিভাগৰ প্ৰতিবাদ ৷ ৰাজ্যজুৰি কৰ্মবিৰতি পালন বিভাগটোৰ কৰ্মচাৰীৰ ৷ অসমৰ ভিন্ন প্ৰান্তৰ লগতে হাইলাকান্দিতো বিভাগৰ কৰ্মচাৰীৰ প্ৰতিবাদ ৷ এঘন্টীয়া কৰ্মবিৰতি পালনেৰে হাইলাকান্দিত শক্তি বিভাগৰ কৰ্মচাৰীসকলে উত্তাল প্ৰতিবাদ সাব্যস্ত কৰে ৷

চৰকাৰ তথা চৰকাৰৰ সিদ্ধান্ত বিৰোধী বিভিন্ন শ্ল'গানেৰে প্ৰতিবাদকাৰী সকলে প্ৰতিবাদস্থলী উত্তাল কৰি তোলে ৷ প্ৰতিবাদকাৰী সকলে জানিবলৈ দিয়ে যে বিভাগৰ ব্যক্তিগতকৰণ হ'লে তেওঁলোকে বিভিন্ন ধৰণৰ সমস্যাৰ সন্মুখীন হ'ব ৷ চৰকাৰে তেওঁলোকৰ দাবী মানি ন'ললে প্ৰতিবাদকাৰী সকলে অধিক তীব্ৰ আন্দোলন গঢ়ি তোলাৰ হুংকাৰ প্ৰদান কৰে ৷

লগতে পঢ়ক: পুনৰ প্ৰাণ পাই উঠিব ৰসৰাজৰ ওড়িশাস্থিত বাসগৃহ