গোলাঘাট,5 ছেপ্তেম্বৰঃ গোলাঘাটত একাংশ বন মাফিয়াই জিলা খনৰ নামবৰ দৈগ্ৰাং বনাঞ্চল ধ্বংস কৰি চলাই গৈছে বন ধ্বংস যজ্ঞ । গোলাঘাট মুৰফুলনীত পুনৰ চোৰাং কাঠ ভৰ্তি বলে'ৰ পিকআপ জব্দ । ফলঙনী ছাত্ৰ সন্থাৰ সহযোগত গোলাঘাট আঞ্চলিক বনবিষয়াই চোৰাং কাঠ ভৰ্তি বাহন জব্দ কৰিবলৈ সক্ষম হয় । বনবিষয়াই জানিবলৈ দিয়া মতে কাঠ সমূহ কাৰ্বি আংলংৰ পৰা গোলাঘাট লৈ AS-05AC-0387 নম্বৰৰ বলে'ৰ পিকআপ বাহনৰে আনিছিল । বনবিভাগে বাহন খন জব্দ কৰিবলৈ সক্ষম হয় যদিও বাহন খনৰ চালক পলায়ন কৰে ৷
গোলাঘাটত পুনৰ চোৰাং কাঠ ভৰ্তি বলে'ৰ পিকাআপ জব্দ
উল্লেখযোগ্য যে, কাষৰীয়া কাৰ্বিআলং জিলাৰ সীমান্তৱৰ্তী বগীজানৰ পৰা গোলাঘাট সংযোগী পথেৰে এতিয়া দৈনিক পাৰ হয় চোৰাং কাঠ ভৰ্তি বাহন । বগীজান থানা আৰু মুৰফুলনী খণ্ড বন কাৰ্যালয়ৰ সন্মুখেদি দিন দুপৰতে পাৰ হয় চোৰাং কাঠ ভৰ্তি বাহন সমূহ।
