গোলাঘাট, 1 অক্টোবৰঃ গোলাঘাটৰ বেঙেনাখোৱাত সোমবাৰে নিশা দুজন যুৱকে পথৰ ওপৰত এটা দুষ্প্ৰাপ্য কাছ উদ্ধাৰ কৰে ৷ কৈলাশ জ্যোতি দত্ত আৰু কাকুমণি শইকীয়া নামৰ যুৱক দুজনে নিশা ভাওনা চাই ঘৰলৈ ঘুৰি অহাৰ পথত কাছটো উদ্ধাৰ কৰে ৷ পৰৱৰ্তী সময়ত যুৱকদ্বয়ে কাছটো বনবিভাগক চমজাই দিয়ে ৷
গোলাঘাটৰ দুই যুৱকৰ মহানুভৱতা
বন বিভাগৰ সহযোগত গোলাঘাট জিলাৰ ঐতিহাসিক আঠখেলীয়া নামঘৰৰ বৰপুখুৰীত কাছটো সংৰক্ষণ কৰা ইচ্ছা প্ৰকাশ কৰে যুৱকদ্বয়ে ৷ উল্লেখ্য যি সময়ত একাংশই বন্য জীৱ-জন্তু হত্যা কৰি বন্য উল্লাস কৰাৰ লগতে এনে জীৱ জন্তু হত্যা কৰি মাংস ভক্ষণ কৰি আহিছে তেনে সময়তে এই দুজন যুৱকে প্ৰদৰ্শন কৰিলে প্ৰকৃতিপ্ৰেমৰ অন্য এক নিদৰ্শন । যুৱক দুজনৰ এই কাৰ্যক কলোৱে শলাগ লৈছে ৷
