বোকাখাত, 5 জুলাই : বিগত চাৰিটা বছৰে কাজিৰঙা ৰাষ্ট্ৰীয় উদ্যানত বনকৰ্মীৰ সৈতে সমানে কৰ্তব্য সমাপন কৰি বন্যপ্ৰাণী সুৰক্ষাৰ ক্ষেত্ৰত বন বিভাগক সহযোগিতা আগবঢ়াই আহিছে জুবি, লিয়ন আৰু ইমিয়ে(Three dogs from Kaziranga Zubi, Lyon and Emy) ৷ জুবি, লিয়ন আৰু ইমি হৈছে UK আৰু জাৰ্মান প্ৰশিক্ষকৰ দ্বাৰা প্ৰশিক্ষণপ্ৰাপ্ত তিনিটা K9 স্কোৱাড ড'গ(Three dogs from Kaziranga National Park complete four years) ।
উন্নত মানৰ প্ৰশিক্ষণপ্ৰাপ্ত বেলজিয়াম মেলিনীয়াছ প্ৰজাতিৰ জুবি, লিয়ন আৰু ইমি নামৰ এই K9 ড'গ স্কোৱাডে বিগত চাৰি বছৰ ধৰি কাজিৰঙাৰ বন্যপ্ৰাণীক সুৰক্ষা প্ৰদান কৰি আহিছে । বন বিভাগৰ সৈতে চোৰাং চিকাৰীৰ বিৰুদ্ধে চলা অভিযানত বাগৰি বনাঞ্চলৰ জুবিয়ে লাভ কৰিছে বহু কেইটা সফলতা । চোৰাং চিকাৰী প্ৰতিৰোধ কৰাৰ লগতে কাজিৰঙাত বন বিভাগৰ বনকৰ্মীৰ সমানে দিনে নিশাই তহল দিয়ে জুবি, লিয়ন আৰু ইমিয়ে ।
চোৰাং চিকাৰীৰ বিৰুদ্ধে অভিযান চলোৱাৰ উপৰিও আৰক্ষীকো বিভিন্ন ধৰণৰ অপৰাধ নিয়ন্ত্ৰণৰ ক্ষেত্ৰত সহায় কৰি আহিছে জুবি, লিয়ন আৰু ইমিয়ে । এজন বনকৰ্মীৰ দৰেই নিষ্ঠা আৰু সততাৰে বিগত চাৰিটা বছৰে দায়িত্ব পালন কৰি আহিছে জুবি, লিয়ন আৰু ইমিয়ে ।
