বোকাখাত, 13 এপ্ৰিল : "হেপাঁহৰ বিহুটিক বিহু হিচাপে থাকিবলৈ দিয়ক, সম্প্ৰীতিৰ সমন্বয়েৰে বিহুটিক উদযাপন কৰক ৷ বহুধা বিভক্ত নহৈ বিহু উদযাপন সমিতি সমূহে বিহুটিক আন্তৰিকতাৰে পালন কৰক ৷ এইবাৰ প্ৰত্যেকগৰাকী অসমীয়াই অতি উদ্যমেৰে পালন কৰিব হেপাঁহৰ ৰঙালী বিহু ৷" হেপাঁহৰ ৰঙালী বিহুৰ প্ৰাক্ ক্ষণত বোকাখাতত জনপ্ৰিয় সংগীত শিল্পী মহেন্দ্ৰ হাজৰিকাই মন্তব্য কৰি ক'লে এনেদৰে (Singer Mahendra Hazarika comments on Rongali Bihu) ৷
তেওঁ কয় যে, ক'ভিডসৃষ্ট পৰিৱেশৰ অৱসান ঘটাৰ পাছত স্বাভিমানী অসমীয়াই এইবাৰ উলহ-মালহেৰে পালন কৰিব ৰঙালী বিহু (Rangali Bihu celebration in Assam) ৷ কিন্তু আকাশলংঘী মূল্যবৃদ্ধিয়ে সাধাৰণ জনতাক কিছু কোঙা কৰিলেও বিহু উদযাপন হ'বই (Price hike in Assam)৷
উজনিৰ পৰা গুৱাহাটীলৈ যাত্ৰা কৰাৰ পথত বোকাখাতত ক্ষন্তেক সময়ৰ বাবে ৰোৱা দৰদী সংগীত মহেন্দ্ৰ হাজৰিকাই চাণ্ডা সংস্কৃতি পৰিহাৰ কৰি বিহুক ভালপোৱাসকলে উদাৰ মনেৰে বিহুটিক উদযাপন কৰিবলৈ তেওঁ আহ্বান জনায় ৷ লগতে এইক্ষেত্ৰত মুখ্যমন্ত্ৰীয়ে জনোৱা আহ্বানৰো শলাগ লয় জনপ্ৰিয় সংগীত শিল্পীগৰাকীয়ে ৷ ইফালে লাখ লাখ টকাৰ বাজেটেৰে বিহু কমিটিসমূহে বিহুৰ ব্যাপক আয়োজন কৰাৰ কথাও উল্লেখ কৰে সংগীত শিল্পীগৰাকীয়ে (Bihu in the city with a budget of lakh rupees) ।
লগতে পঢ়ক : গুৱাহাটীৰ কোনখন বিহু মঞ্চত গীত পৰিবেশন কৰিব কোন শিল্পীয়ে ?
