সৰুপথাৰ,10 এপ্ৰিলঃ ৰাজ্যৰ প্ৰথম পৰ্যায়ৰ নিৰ্বাচনলৈ সাজু হৈ উঠিছে কলিয়াবৰ প্ৰশাসন ৷ কলিয়াবৰ লোকসভা সমষ্টিৰ ভিতৰত সৰ্বাধিক ভোটাৰ থকা সৰুপথাৰ বিধানসভা সমষ্টিত প্ৰথম পৰ্যায়ৰ ভোট গ্ৰহণৰ বাবে বুধবাৰে নিজ নিজ গন্তব্যস্থানলৈ যাত্ৰা কৰে পলিং, প্ৰিজাইডিং আৰু নিৰাপত্তাৰক্ষীসকলে | সৰপথাৰৰ বিভিন্ন অঞ্চলত থকা ভোট গ্ৰহণ কেন্দ্ৰসমূহৰ সমগ্ৰ ব্যৱস্থাটোত নিৰাপত্তা ব্যৱস্থা কটকটীয়া কৰি তুলিছে ধনশিৰি মহকুমা প্ৰশাসনে | কলিয়াবৰ লোকসভা সমষ্টিৰ অধীনৰ দহটা বিধানসভা সমষ্টিৰ ভিতৰত অন্যতম সৰুপথাৰ সমষ্টিটোত সৰ্বাধিক এইবাৰ ২৫,০৯১৬ গৰাকী ভোটাৰ আছে | য'ত মুঠ ৩০১ টা ভোট গ্ৰহণ কেন্দ্ৰৰ ভিতৰত ৩১ টা সম্পূৰ্ণ মহিলাই পৰিচালনা কৰা ভোট গ্ৰহণ কেন্দ্ৰ | ইপিনে ধনশিৰি মহকুমা প্ৰশাসনে জনোৱা অনুসৰি এই ৩১টা ভোটগ্ৰহণ কেন্দ্ৰতে পলিং, প্ৰিজাইডিং, নিৰাপত্তাৰক্ষীৰ কাম কৰিব কেৱল মহিলাই |
সৰুপথাৰৰ ৩১ টা ভোটগ্ৰহণ কেন্দ্ৰ পৰিচালনা কৰিব মহিলাই
