গোলাঘাট, 6 জুন : ৰাজ্যত শাম কটা নাই কৰ’ণা মহামাৰীৰ প্ৰভাৱ ৷ ভিন্ন প্ৰন্তত বৃদ্ধি পাই আছে ক’ভিড আক্ৰান্তৰ সংখ্যা ৷ ক’ভিড নিয়ন্ত্ৰণৰ বাবে চৰকাৰ-প্ৰশাসনে গ্ৰহণ কৰিছে গুৰুত্বপূৰ্ণ প্ৰদক্ষেপ । ইয়াৰ মাজতে পশ্চিম মিছামৰা গাঁও পঞ্চায়তে দেওবাৰে এক ব্যাপক চেনিটাইজেশ্যন কাৰ্যসূচী ৰূপায়ন কৰে ।
দেৰগাঁৱৰ মিছামৰা গুৱাল গাঁও চাৰিআলি, মিছামৰা খন্দ প্ৰাথমিক স্বাস্থ্য কেন্দ্ৰ, নামঘৰ, স্কুল, পানী যোগান আঁচনিকে ধৰি জন সমাগম স্থলী সমুহ চেনিটাইজ কৰা হয় । উক্ত চেনিটাইজেশ্যন কাৰ্যসূচীত উপস্থিত আছিল পশ্চিম মিছামৰা গাঁও পঞ্চায়তৰ সভাপতি নবীন বৰা, পঞ্চায়ত সচিব দেৱ প্ৰসাদ গগৈ, ৱাৰ্ড সদস্যা কৰিশ্মা বৰুৱাকে প্ৰমুখ্যে কৰি আন কেইবাজনো ব্যক্তি ৷
লগতে পঢ়ক: হোজাই জিলাৰ কাকীত প্ৰসাশনৰ উচ্ছেদ অভিযান
