কমাৰবন্ধাত দেওৰেকৰ দাৰ ঘাপত প্ৰাণ গ'ল বৌয়েকৰ

কমাৰবন্ধাত বুধবাৰে নিশা সংঘটিত হয় এক হত্যাকাণ্ড ৷ দেওৰেকে দাৰে ঘপিয়াই হত্যা কৰিলে নিজ বৌৱেকক ৷

গোলাঘাট, 8 এপ্ৰিল : বুধবাৰে নিশা গোলাঘাটৰ কমাৰবন্ধাত সংঘটিত হয় এক লোমহৰ্ষক হত্যাকাণ্ড ৷ নিজ দেওৰেকে দাৰে ঘপিয়াই হত্যা কৰিলে বৌৱেকক ৷ কমাৰবন্ধাৰ বাম গোঁহাই গাঁৱৰ নিৱাসী দীপেন কৰ্মকাৰ নামৰ যুৱকজনে পাৰিবাৰিক কণ্ডলৰ বাবে বৌয়েক পুতলী কৰ্মকাৰক দাৰে ঘপিয়াই হত্যা কৰে ৷ হত্যাকাণ্ড সংঘটিত হোৱাৰ পাচৰে পৰা সমগ্ৰ অঞ্চলজুৰি সৃষ্টি হৈছে তীব্ৰ চাঞ্চল্যৰ ৷

সম্প্ৰতি অভিযুক্ত দীপেন কৰ্মকাৰক গোলাঘাট আৰক্ষীয়ে আটক কৰি আৰক্ষীৰ জিম্মাত ৰখাৰ লগতে মৃত পুতলী কৰ্মকাৰৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে ৷ উল্লেখ্য যে, অবৈধ চুলাই ব্যৱসায়ৰ লগত জড়িত দীপেন কৰ্মকাৰে বৌৱেকক হত্যা কৰাৰ পূৰ্বে জ্যেষ্ঠ ভাতৃ দুৰ্লভ কৰ্মকাৰকো আক্ৰমণ কৰে ৷