Speech Competition at Sarupathar : মাধ্যম আন্দোলনৰ শ্বহীদ বলিন ৰাজখোৱাৰ সোঁৱৰণিত বক্তৃতা প্ৰতিযোগিতা

মাধ্যম আন্দোলনৰ শ্বহীদ বলিন ৰাজখোৱাৰ সোঁৱৰণিত গোলাঘাট জিলা ভিত্তিত অনুষ্ঠিত হয় বক্তৃতা অনুষ্ঠান ৷ বক্তৃতা প্ৰতিযোগিতাৰ বিষয় আছিল "শিক্ষাৰ মাধ্যমৰূপে অসমীয়া ভাষা আৰু ইয়াৰ ভৱিষ্যৎ" ৷

সৰুপথাৰ, 13 অক্টাবৰ: শুকুৰবাৰে ধনশিৰি মহকুমা ছাত্ৰ সন্থাৰ আহ্বানত আৰু বৰপথাৰ আঞ্চলিক ছাত্ৰ সন্থাৰ উদ্যোগত সৰুপথাৰত অনুষ্ঠিত হয় এক বক্তৃতা প্ৰতিযোগিতা ৷ মাধ্যম আন্দোলনৰ শ্বহীদ বলিন ৰাজখোৱাৰ সোঁৱৰণিত গোলাঘাট জিলা ভিত্তিত অনুষ্ঠিত হয় বক্তৃতা প্ৰতিযোগিতাখন ৷ বৰপথাৰ মহাবিদ্যালয়ৰ প্ৰেক্ষাগৃহত অনুষ্ঠিত হোৱা বক্তৃতা প্ৰতিযোগিতাৰ বিষয় আছিল "শিক্ষাৰ মাধ্যমৰূপে অসমীয়া ভাষা আৰু ইয়াৰ ভৱিষ্যত" ৷

উক্ত প্ৰতিযোগিতাখনত বৰপথাৰ মহাবিদ্যালয় ছাত্ৰ একতা সভাৰ সদস্যসকলে পূৰ্ণ সহযোগিতা আগবঢ়ায় । সাম্প্ৰতিক সময়ৰ শিক্ষাখণ্ডত অসমীয়া ভাষাৰ মাধ্যমক লৈ সমালোচনা তথা বিতৰ্কৰ প্ৰতি লক্ষ্য ৰাখি ছাত্ৰ-ছাত্ৰীসকলৰ মাজত অসমীয়া ভাষাৰ প্ৰতি সজাগ কৰাৰ উদ্দেশ্যে এনেধৰণৰ বক্তৃতা অসমৰ বাবে প্ৰাসংগিক বুলি ভিন্নজনে মন্তব্য কৰিছে ।