অৱশেষত আৰক্ষীৰ জালত গোলাঘাটৰ ড্ৰাগছ মাফিয়া পাপু

অৱশেষত আৰক্ষীৰ জালত পৰিল কুখ্যাত ড্ৰাগছ মাফিয়া পাপু আলী। গোলাঘাটৰ বিভিন্ন এলেকাত ড্ৰাগছৰ ঘাটিৰ ৰমৰমীয়া বেহা চলোৱা পাপু আলীক 7 মাহ পিছত সোমবাৰে আটক কৰে গোলাঘাট আৰক্ষীয়ে ৷ গোলাঘাট সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া দীপক বৰা নেতৃত্বত চলা এই অভিযানত ঘৰলৈ অহাৰ সময়তে খেদি খেদি পথাৰৰ মাজত আটক কৰে আৰক্ষীয়ে ৷

গোলাঘাট, 27 এপ্ৰিল : গোলাঘাট আৰক্ষীৰ বৃহৎ সফলতা ৷ গোলাঘাটৰ বিভিন্ন এলেকাত ড্ৰাগছৰ ঘাটিৰ ৰমৰমীয়া বেহা চলোৱা পাপু আলী নামৰ ড্ৰাগছ মাফিয়াটোক সোমবাৰে আটক কৰে গোলাঘাট আৰক্ষীয়ে ৷ বিগত 7 মাহ ধৰি পলাতক অৱস্থাত আছিল এই ড্ৰাগছ মাফিয়াটো ৷

গোলাঘাট সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া দীপক বৰা নেতৃত্বত চলা অভিযানত ড্ৰাগছ মাফিয়া পাপু আলীক ঘৰলৈ অহাৰ সময়তে খেদি খেদি পথাৰৰ মাজত আটক কৰে গোলাঘাট আৰক্ষীয়ে ৷

উল্লেখ্য যে, 2019 চনৰ 26 ছেপ্তেম্বৰত আৰক্ষীয়ে পাপু আলীৰ ঘৰত অভিযান চলাই ঘৰৰ পৰা পিষ্টল,গ্ৰেণেড,সেনাৰ পোছাক উদ্ধাৰ কৰিছিল যদিও ড্ৰাগছ মাফিয়া পাপু আলী পলাই যাবলৈ সক্ষম হৈছিল ৷ পাপু আলীয়ে গোলাঘাটৰ বিভিন্ন স্থানত নিজ ঘৰৰ পৰাই ড্ৰাগছৰ এক বৃহৎ বজাৰ গঢ়ি তুলিছিল বুলি জানিব পৰা গৈছে ৷ অৱশেষত আৰক্ষীৰ জালত পৰে ড্ৰাগছ মাফিয়া পাপু আলী ৷

লগতে পঢ়ক : গোলাঘাটত চিকিৎসাধীন চাৰিজন ক'ৰণা ৰোগীক মুকলি