গোলাঘাট,1 নৱেম্বৰ : ৰাজ্যত একাংশ লোকে চলাইছে প্ৰকৃতি ধ্বংসৰ প্ৰতিযোগিতা ৷ এই ক্ষেত্ৰত আৰক্ষীৰ নাই কোনো ভূমিকা ৷ যাক লৈ এতিয়া চিন্তিত হৈ পৰিছে সচেতন সমাজৰ লগতে প্ৰকৃতি প্ৰেমীসকল ৷ উল্লেখ্য যে, তিনিদিন পূৰ্বে 37 নং ৰাষ্ট্ৰীয় ঘাইপথত জব্দ কৰা হৈছিল এখন সাঁচি কাঠ ভৰ্তি ট্ৰাক ৷ গোলাঘাট জিলাৰ কমাৰগাঁও আৰক্ষীয়ে অভিযান চলায় জব্দ কৰিছিল ট্ৰাকখন ৷ জব্দ কৰা ট্ৰাকখনত থকা সাঁচি কাঠখিনিৰ মূল্য আছিল প্ৰায় ২ কোটি টকা ৷
ইফালে,আৰক্ষীয়ে জব্দ কৰা ট্ৰাকখনৰ নাছিল কোনো নথি-পত্ৰ ৷ তিনিদিন পূৰ্বে ট্ৰাকখন জব্দ কৰা হৈছিল যদিও ঘটনাৰ তদন্ত আৰম্ভ কৰা নাছিল আৰক্ষীয়ে ৷ যাৰ বাবে ক্ষোভিত হৈ পৰে স্থানীয় ৰাইজৰ লগতে বহু দল-সংগঠন ৷ তিনিদিন উকলি যোৱাৰ পাছতো এই ঘটনাৰ লগত জড়িত ব্যক্তিৰ কোনো সম্ভেদ আৰক্ষীয়ে উলিয়াব নোৱাৰাৰ বাবে জাঙুৰ খাই উঠে স্থানীয় ৰাইজ আৰু বহু দল-সংগঠন ৷ তেওঁলোকৰ দাবী অতি শীঘ্ৰে চোৰাং কাঠৰ ব্যৱস্থা গ্ৰহণ কৰক আৰু দোষীক গ্ৰেপ্তাৰ কৰক ৷
অন্য এক খবৰৰ বাবে :ঝাৰখণ্ডৰ বিধানসভা নিৰ্বাচনৰ দিন ঘোষণা : পাঁচটা পৰ্যায়ত অনুষ্ঠিত হব ভোট গ্ৰহণ
