গোলাঘাট,18 জুলাইঃ গোলাঘাটত কৃষি মন্ত্ৰী অতুল গগৈৰ সংবাদমেল৷ সংবাদমেলত ৰাজ্য খনৰ মুঠ ১ লাখ ৩০ হেজাৰ ৭৭০ গৰাকী কৃষক আৰু ৫০৬০. ২৩ হেক্টৰ কৃষি ভূমি অনিষ্ট হৈছে বুলি জানিবলৈ দিয়ে মন্ত্ৰীগৰাকীয়ে৷ ৰাজ্যৰ বানত আক্ৰান্ত কৃষকক কৃষি আঁচনিৰ জৰিয়তে জৰুৰী ভাৱে ৩৫ কোটি টকা মুকলি কৰি দিয়াৰ কথাও প্ৰকাশ কৰে মন্ত্ৰীগৰাকীয়ে ৷ অন্যহাতে ৰবি খেতিৰ বাবে ৰাজ্যৰ কৃষক সকলৰ বাবে কৃষি বিভাগৰ মুঠ ৮০ কোটি টকা ধাৰ্য কৰা হৈছে বুলি কয় মন্ত্ৰীগৰাকীয়ে৷
কৃষক সকলৰ কৃষি ভূমি সমূহত ধান খেতি কৰিবৰ বাবে কঠিয়া যোগান ধৰা , ৰৱি শষ্যৰ বাবে বীজ যোগান ধৰা , সাৰ, পাৱাৰ ট্ৰিলাৰ, ট্ৰেক্টৰ আদি যোগান ধৰা হব বুলি কয় মন্ত্ৰী অতুল বৰাই। ইফালে গোলাঘাট জিলা খনৰ গোলাঘাট, খুমটাই, দেৰগাঁও আৰু বোকাখাত ৰাজহ চক্ৰৰ অধীনত মুঠ ১১৯ খন গাঁও বানত আক্ৰান্ত হৈছে । জিলা খনৰ মুঠ চাৰি জন ব্যক্তিয়ে বৰ্তমান লৈকে এই বানত মৃত্যু বৰণ কৰিছে আৰু প্ৰত্যেকগৰাকীৰ পৰিয়াললৈ মুঠ ৪ লাখকৈ আৰ্থিক সাহাৰ্য প্ৰদান কৰাৰ কথা ঘোষণা কৰে অতুল বৰাই৷ শুকুৰবাৰে কাজিৰঙাত মুখ্যমন্ত্ৰী সৰ্বানন্দ সোণোৱালে বান পৰিস্থিতিৰ বুজ লোৱাৰ লগতে বানত মৃত্যু হোৱাসকলৰ পৰিয়ালক সাহায্য প্ৰদান কৰিব বুলি উল্লেখ কৰে মন্ত্ৰী অতুল বৰাই।
লগতে পঢ়কঃ ক'ত কি পৰ্যায়ত অসমৰ বান পৰিস্থিতি ?
