গোলাঘাট, 4 জুন : কৰ’ণা মহামাৰীৰ সমান্তৰালকৈয়ে ৰাজ্যক ক্ৰমাৎ ভয়াৱহ হাৰত বৃদ্ধি পাইছে নিসিদ্ধ ড্ৰাগছৰ সৰৱবৰাহ ৷ ৰাজ্যৰ বিভিন্ন প্ৰান্তত আৰক্ষীয়ে তীব্ৰ অভিযান অব্যাহত ৰাখিছে ড্ৰাগছৰ বিৰুদ্ধে ৷ ইয়াৰ মাজতে বৃহস্পতিবাৰে গোলাঘাটৰ ফৰকাটিঙতো জব্দ কৰা হয় বৃহৎ পৰিমাণৰ ড্ৰাগছ ৷
আৰক্ষীৰ অভিযানত গ্ৰেপ্তাৰ চন্দন বৰুৱা নামৰ এজন ড্ৰাগছ ব্যৱসায়ী ৷ দীৰ্ঘদিন ধৰি গোলাঘাট ফৰকাটিং ২ নং ফাটোৱাল গাঁৱৰ পৰা ড্ৰাগাছৰ ব্যৱসায় চলাই আহিছিল চন্দন বৰুৱাই ৷
ফৰকাটিং আৰক্ষীয়ে গোপন সূত্ৰৰ অনুসৰি চন্দন বৰুৱাৰ বাসগৃহত তালাচী চলাই ১০ গ্ৰাম হেৰ’ইন জব্দ কৰে ৷ সামগ্ৰী সমূহ ঘৰৰ টিনৰ মাজত লুকুৱাই ৰাখিছিল চন্দনে ৷ আৰক্ষীয়ে অধিক তথ্যৰ বাবে জেৰা অব্যাহত ৰাখিছে ৷
লগতে পঢ়ক-এখন বাঁহৰ দলং আৰু বিধায়ক চক্ৰধৰ গগৈৰ 5 হাজাৰ টকাৰ অনুদান