গোলাঘাট, 1 ডিচেম্বৰ : সোমবাৰে গোলাঘাটত আৰক্ষীৰ অভিযানত ড্ৰাগছ সহ চাৰিগৰাকী লোকক গ্ৰেপ্তাৰ কৰা হয় ৷ গ্ৰেপ্তাৰ কৰা লোক কেইজন ক্ৰমে, পৰিক্ষিত গগৈ, লক্ষী হাজৰিকা, গীতাৰ্থ ফুকন আৰু মাধুজ বৰা বুলি আৰক্ষীয়ে প্ৰকাশ কৰিছে ৷
গোলাঘাটৰ ভাৰপ্ৰাপ্ত আৰক্ষী বিষয়া দীপক বৰাৰ নেতৃত্বত চলা অভিযানত গ্ৰেপ্তাৰ কৰা হয় লোক কেইজনক ৷ বিশেষ সূত্ৰৰ পম খেদি গোলাঘাটৰ থুৰামুখ অঞ্চলৰ পৰা গ্ৰেপ্তাৰ কৰে লোক কেইজনক । ধৃত লোক কেইজনৰ পৰা উদ্ধাৰ কৰে AS-05N-5024 এখন বাইক সহ বহু পৰিমাণৰ ড্ৰাগছ ।
গোলাঘাটত আৰক্ষীৰ জালত কুখ্যাত ড্ৰাগছ মাফিয়া
উল্লেখ্য যে, জিলাখনত ড্ৰাগছৰ বিৰুদ্ধে আৰক্ষীয়ে অভিযান অব্যাহত ৰাখিছে যদিও একাংশ দুষ্ট চক্ৰই গোপনে ড্ৰাগছৰ ৰমৰমীয়া বেহা চলাই যোৱাৰ অভিযোগ উত্থাপন কৰিছে সচেতন মহলে ৷
লগতে পঢ়ক : মানাহ ৰাষ্ট্ৰীয় উদ্যানলৈ সংৰক্ষণৰ উৎকৰ্ষকতাৰ বঁটা
