গোলাঘাট,২৯ এপ্ৰিলঃ ড্ৰাগছৰ বিৰুদ্ধে সৰুপথাৰ আৰক্ষীৰ অভিযান । অভিযানৰ সময়চোৱাত সৰুপথাৰ আৰক্ষী থানাৰ ভাৰপ্ৰাপ্ত আৰক্ষী বিষয়া অচ্যুত দত্তৰ নেতৃত্বত যোৱা আৰক্ষীৰ দলে সৰুপথাৰৰ নগাজৰি গাঁৱৰ পৰা আটক কৰে প্ৰণৱ বৰাইল ছেত্ৰী নামৰ এজন যুৱকক । ধৃত ড্ৰাগছ ব্যৱসায়ীজনৰ ঘৰ সৰুপথাৰৰ দুই নং পদুমণিত । যুৱকজনৰ পৰা আৰক্ষীয়ে জব্দ কৰে পাঁচটাকৈ সৰু ব্ৰাউন চুগাৰ ভৰ্তি চিচি ।
গোলাঘাটত ব্ৰাউন চুগাৰসহ এজনক আটক
জব্দ হোৱা ব্ৰাউন চুগাৰ খিনি ধৃত যুৱকজনে ব্যৱসায়ৰ বাবে নহয় নিজে সেৱন কৰিবলৈ অনা বুলিহে উল্লেখ কৰে আৰক্ষীৰ সন্মুখত । আনহাতে,ধৃত প্ৰণৱ বৰাইল ছেত্ৰীয়ে সদৰী কৰা মতে, গোলাঘাট জিলাৰ অন্তৰ্গত সৰুপথাৰৰ অঞ্চলৰ লগতে সমগ্ৰ ধনশিৰি মহকুমাত বৃদ্ধি পাইছে ড্ৰাগছ আসক্তৰ সংখ্যা ।
