গোলাঘাট , 10 এপ্ৰিলঃ গোলাঘাট মৰঙিৰ এটা গুৰুত্বপূৰ্ণ পথ ৷ এই পথেৰে দৈনিক যাত্ৰীবাহী বাহনকে ধৰি শ শ যান বাহন চলাচল কৰে ৷ কেইবাখনো স্কুল কলেজৰ ছাত্ৰ-ছাত্ৰীয়ে যাতায়ত কৰে এই পথেৰে ৷ কিন্তু ৰাইজৰ অভিযোগ অনুসৰি এই গুৰুত্বপূৰ্ণ পথটো পকীকৰণ নোহোৱা বাবে গাঁৱবাসীয়ে বহু সমস্যাৰ সন্মুখীন হ'ব লগীয়া হৈছে ৷
গোলাঘাটৰ এটা জৰাজীৰ্ণ গ্ৰাম্য পথ
এই পথটো বৰ্তমানৰ শ্ৰেষ্ঠ সাংসদ বঁটা প্ৰাপ্ত গৌৰৱ গগৈৰ লোকসভা সমষ্টিৰ অন্তৰ্গত গোলাঘাট মৰঙিৰ এটা পথ ৷ ৰাইজৰ অভিযোগ যে 39 নং ৰাষ্ট্ৰীয় ঘাইপথৰ পৰা চাৰি কিলোমিটাৰ নিলগৰ পথচোৱা আজিকোপতি পকীকৰণ নহ'ল । গোলাঘাট মুৰফুলনিৰ পৰা দৈগ্ৰোং সংযোগী পথটোৰ এছোৱা 2009 চনতে পকী হ'ল যদিও ঘাইপথৰ লগত সংযোগ নোহোৱাত অঞ্চলটোৰ ৰাইজে দুৰ্ভোগ ভূগিব লগীয়া হৈছে বুলি জনাই গাঁৱবাসীয়ে ৷ সেয়ে ভুক্তভোগী ৰাইজে এই পথচোৱা পকীকৰণ কৰিবৰ বাবে চৰকাৰক আহ্বান জনায় ৷
