গোলাঘাট,4 এপ্ৰিল : বৃহস্পতিবাৰে গোলাঘাট জিলাৰ অন্তৰ্গত ৰঙাজানত এখন হাবিৰ মাজত উদ্ধাৰ হয় এজন যুৱকৰ মৃতদেহ ৷ যুৱকজন মৃতদেহটো উদ্ধাৰ হোৱা হাবিখনৰ সমীপৰে বাসিন্দা বিশ্বজিত শইকীয়া বুলি চিনাক্ত কৰিছে স্থানীয় ৰাইজে ৷
গোলাঘাটত উদ্ধাৰ যুৱকৰ মৃতদেহ
উল্লেখ্য যে এটা ব্যক্তিগত কোম্পানীত কৰ্মৰত যুৱকজন যোৱা তিনি দিন ধৰি সন্ধানহীন হৈ আছিল ৷ পৰিয়ালৰ লোকে যুৱকজন সন্ধানহীন হোৱাৰ গোচৰ তৰিছিল গোলাঘাট আৰক্ষী থানাত । আৰু বৃহস্পতি বাৰে ৰহস্য জনক ভাৱে ৰঙাজান বাইপাছৰ সমীপৰ এখন হাবিত উদ্ধাৰ হয় যুৱকজনৰ মৃতদেহ ৷ ঘটনা স্থলীৰ পৰা পৰিয়ালৰ সহযোগত আৰক্ষীয়ে উদ্ধাৰ কৰে মৃতদেহটো ৷ অতন্ত্য অমায়িক বুলি পৰিচিত যুৱকজনৰ এইয়া হত্যাকাণ্ড নে আত্মহত্যা সেয়া আৰক্ষীৰ তদন্ততহে পোহৰলৈ আহিব ৷
