গোলাঘাটত ৰাষ্ট্ৰীয় ঘাইপথত বাগৰি পৰিল যাত্ৰীবাহী নৈশ বাছ

গোলাঘাটত দুৰ্ঘটনাগ্ৰস্ত যাত্ৰীবাহী নৈশ বাছ ৷ গুৱাহাটীৰ পৰা যোৰহাট অভিমুখে গৈ থকা অৱস্থাত দুৰ্ঘটনাত পতিত হয় বাছখন ৷ কম বেছি পৰিমাণে আহত প্ৰায় 10 গৰাকী যাত্ৰী ৷

গোলাঘাট, 7 এপ্ৰিল : গোলাঘাট কমাৰগাঁৱৰ পানীদিহিঙীয়াত ৩৭ নং ৰাষ্ট্ৰীয় ঘাইপথত বাগৰি পৰিল যাত্ৰীবাহী নৈশ বাছৃ । AS-01-HC-9246 নম্বৰৰ "অনুৰাগ "নামৰ নৈশ বাছখনে গুৱাহাটীৰ পৰা যোৰহাট অভিমুখে আহি থকা অৱস্থাতে কমাৰগাঁৱৰ পানীদিহিঙীয়াৰ ৩৭ নং ৰাষ্ট্ৰীয় ঘাইপথত পুৱতি নিশা দুৰ্ঘটনাত পতিত হয় বাছখন ।

উক্ত বাছ দুৰ্ঘটনাত হতাহত হয় প্ৰায় 10 গৰাকীকৈ বাছ যাত্ৰী ৷ ইপিনে দুৰ্ঘটনাৰ খৱৰ লাভ কৰা মাত্ৰকে ঘটনাস্থলীত কমাৰগাঁও আৰক্ষী উপস্থিত হৈ আহত যাত্ৰীসকলক চিকিৎসাৰ বাবে বোকাখাতলৈ প্ৰেৰণ কৰে ৷