কমবয়সীয়া বাইক আৰোহীক নাকী লগোৱাৰ চেষ্টা গোলাঘাট আৰক্ষীৰ

গোলাঘাটৰ কলেজীয়া ছাত্র ছাত্ৰীয়ে তীব্র বেগেৰে মটৰ চাইকেল চলোৱাৰ অভিযোগ দীৰ্ঘদিনৰ পৰা লাভ কৰি আহিছিল আৰক্ষীয়ে। সেই অভিযোগৰ ভিত্তিত গোলাঘাটৰ আৱৰ্ত ভৱনৰ সন্মুখত ছাত্ৰ ছাত্ৰী আৰু সাধাৰণ বাইক চালকৰ অনুজ্ঞাপত্ৰ তালাচী চলাই গোলাঘাটৰ আৰক্ষীৰ যান-বাহন শাখাই। কলেজীয়া ছাত্ৰ ছাত্ৰীয়ে তীব্ৰ বেগেৰে বাইক চলোৱা নিয়ন্ত্ৰণ কৰিবলৈ অনুজ্ঞাপত্ৰ পৰীক্ষা কৰাৰ লগতে হেলমেট পৰিধান নকৰা সকলৰ বিৰুদ্ধে জৰিমনা বিহে

গোলাঘাট,27 জুন : তীব্ৰ বেগত বাইক চলোৱা কলেজীয়া ছাত্র ছাত্ৰীক নাকী লগোৱাৰ চেষ্টা গোলাঘাট আৰক্ষীৰ। গোলাঘাট আৰক্ষীৰ যান বাহন শাখা আৰু জিলা পৰিবহন বিষয়া কাৰ্যালয়ৰ অভিযান। গোলাঘাটৰ কলেজীয়া ছাত্র ছাত্ৰীয়ে তীব্র বেগেৰে মটৰ চাইকেল চলোৱাৰ অভিযোগ দীৰ্ঘদিনৰ পৰা লাভ কৰি আহিছিল আৰক্ষীয়ে। সেই অভিযোগৰ ভিত্তিত গোলাঘাটৰ আৱৰ্ত ভৱনৰ সন্মুখত ছাত্ৰ ছাত্ৰী আৰু সাধাৰণ বাইক চালকৰ অনুজ্ঞাপত্ৰ তালাচী চলাই গোলাঘাটৰ আৰক্ষীৰ যান-বাহন শাখাই। কলেজীয়া ছাত্ৰ ছাত্ৰীয়ে তীব্ৰ বেগেৰে বাইক চলোৱা নিয়ন্ত্ৰণ কৰিবলৈ অনুজ্ঞাপত্ৰ পৰীক্ষা কৰাৰ লগতে হেলমেট পৰিধান নকৰা সকলক জৰিমনা বিহে আৰক্ষীয়ে। এই অভিযানত বহু সংখ্যক ছাত্ৰ ছাত্ৰীৰ মাজত অনুজ্ঞাপত্ৰ পোৱা নাছিল আৰক্ষীয়ে। ইয়াৰ উপৰিও তীব্ৰ বেগত বাইক চলাই অহা সকলক সতৰ্ক কৰি দিয়ে গোলাঘাট আৰক্ষী আৰু জিলা পৰিবহন বিষয়া কাৰ্যালয়ৰ পৰিদৰ্শকে। অনুজ্ঞাপত্ৰ অবিহনে স্কুটি আৰু বাইক চলোৱা সকলৰ ওপৰত জৰিমনা বিহা হয়। এই অভিযানত নগৰখনত ছাত্ৰ ছাত্ৰীৰ উপৰিও একাংশ মহিলাক হেলমেট পৰিধান নকৰাকৈ আৰু অনুজ্ঞাপত্ৰ অবিহনে স্কুটি চলোৱা দেখা গৈছিল।