গোলাঘাট, 25 আগষ্টঃ আজি পবিত্ৰ ভাদ মাহৰ সপ্তম দিন । মত্যৰ বৈকুণ্ঠপুৰীলৈ পৰিণত হৈছে ঐতিহ্যমণ্ডিত শ্ৰী শ্ৰী আঠখেলীয়া নামঘৰ । দেওবাৰে গোলাঘাটৰ লগতে দূৰ দুৰণিৰ পৰা অহা লক্ষাধিক ভকত প্ৰাণ বৈষ্ণৱ বান্ধৱেৰে ভৰি পৰিছে আঠখেলীয়া নামঘৰ । সমানে লক্ষ লক্ষ ভকত বৈষ্ণৱক আদৰি আপ্যায়ন কৰে নামঘৰ পৰিচালনা সমিতিয়ে । ভাদ মাহৰ পৱিত্ৰ দিনটোত আঠখেলীয়া নামঘৰত ভগবানৰ সেৱা ল'বলৈ উপস্থিত হ'ল মন্ত্ৰী অতুল বৰা । ভগৱানৰ শ্ৰীচৰণত বন্তি , ধূপ , শৰাই , নৈৱদ্য আগবঢ়াই মনৰ কামনা সিদ্ধিৰ বাবে আঠখেলীয়া নামঘৰৰ বুঢ়া ডাঙৰীয়াৰ ওচৰত আঠু ল'লে মন্ত্ৰীগৰাকীয়ে । সেৱা লৈ ভকতৰ লগত সমানে হাত চাপৰি বজায় শ্ৰীহৰিৰ নাম শ্ৰৱণ আৰু কীৰ্তন কৰিলে মন্ত্ৰী অতুল বৰাই ।
মন্ত্ৰী অতুল বৰা
