গোলাঘাট, 31 মাৰ্চঃ গোলাঘাটত সঘনাই হোৱা চুৰি কাৰ্যই সাধাৰণ মানুহৰ টোপনি হৰি অহাৰ সময়ত জিলাখনৰ আৰক্ষীয়ে শনিবাৰে 4 জন চোৰক আটক কৰে ৷ চোৰ কেইজন ক্ৰমে সঞ্জু ভুমিজ,ৱাহিদুৰ আলি, পাৰ্থ কলিতা আৰু প্ৰদীপ্ত দত্ত ৷ আনহাতে চুৰি সামগ্ৰী ক্ৰয় কৰি অহাৰ অপৰাধত 9 জন লোককো আৰক্ষীয়ে গ্ৰেপ্তাৰ কৰে ।
গোলাঘাটত চোৰৰ সন্ত্ৰাসঃ চোৰৰ বিৰুদ্ধে আৰক্ষীৰ ব্যাপক অভিযান
উল্লেখ্য যে, এই চোৰৰ দলটোৱে গোলাঘাটৰ লগতে আৰু বিভিন্ন অঞ্চলত সন্ত্ৰাস চলাই আহিছে। জানিব পৰা মতে সঞ্জু ভুমিজ নামৰ চোৰটোৱেকিছু দিনৰ পূৰ্বে এগৰাকী মহিলাই দেৰগাঁৱৰ ইউনাইটেড বেংকৰ পৰা টকা উলিয়াই আনোতেই বাইকেৰে প্ৰায় এক লাখ টকা থপিয়াই কাঢ়ি নিয়ে ৷ প্ৰধানমন্ত্ৰী আৱাস যোজনাৰ প্ৰথম কিস্তি টকা উলিয়াই আনোতেই চোৰজনে পথৰ পৰা লুটি নিয়ে টকাখিনি। উল্লেখ্য যে, দেওবাৰে চোৰৰ এই দলটোক গ্ৰেপ্তাৰ কৰাৰ পিচতেই গোলাঘাট আৰক্ষী থানাত ভিৰ কৰিছে ভুক্তভোগী লোকসকলে।
