ধনশিৰিত আৰক্ষীৰ জালত ড্ৰাগছ সৰবৰাহকাৰী

গোলাঘাটৰ বৰপথাৰ আৰক্ষীয়ে গোপন সূত্ৰৰ পম খেদি কালীবাৰীৰ পৰা ড্ৰাগছ সহ আটক কৰে এজন যুৱকক । ধৃত যুৱক জনৰ নাম ইমৰাণ খান । ইতিমধ্যে আৰক্ষীয়ে যুৱকজনক জেল হোজোতলৈ প্ৰেৰণ কৰিছে ।

গোলাঘাট, ৩০ জুনঃ গোলাঘাটৰ কালীবাৰীৰ পৰা আৰক্ষীয়ে হেৰ'ইনসহ এজন য়ুৱকক আটক কৰে । ধৃত যুৱকজনৰ নাম ইমৰাণ খান ওৰফে টিংকু খান বুলি জানিব পৰা গৈছে ৷

উল্লেখযোগ্য যে, দিনে দিনে ধনশিৰি মহকুমাৰ বৰপথাৰ নগৰৰ উপৰিও সৰুপথাৰ, চুঙাজান, উৰিয়ামঘাট আদি অঞ্চলত ড্ৰাগছৰ বেহা বৃদ্ধি পাবলৈ ধৰিছে ৷ সেই লৈ সচেতন ৰাইজে ড্ৰাগছ ব্যৱসায়ী তথা সেৱনকাৰীৰ বিৰুদ্ধে বিহিত ব্যৱস্থা গ্ৰহণৰ দাবী কৰি আহিছিল প্ৰশাসনৰ ওচৰত । গোপন সূত্ৰৰ পম খেদি আৰক্ষীয়ে ড্ৰাগছৰ বিৰুদ্ধে অভিযান চলাই বৰপথাৰৰ কালিবাৰীৰ পৰা ড্ৰাগছ সহ আটক কৰে এজন যুৱকক । ধৃত যুৱক জনৰ নাম ইমৰান খান। যুৱকজনৰ পৰা আৰক্ষীয়ে ৪ টা বটলসহ প্ৰায় ৫ গ্ৰাম ড্ৰাগছ উদ্ধাৰ কৰে ৷ ইতিমধ্যে ধৃত যুৱক জনক আৰক্ষীয়ে জেল হাজোতলৈ প্ৰেৰণ কৰিছে ।

লগতে আন এটা বাতৰি - বোকাজানৰ ডিলাইত মৰণাস্ত্ৰসহ আটক ৪ চোৰাং চিকাৰী