গোলাঘাট আৰক্ষীৰ অভিযানত গ্ৰেপ্তাৰ তিনি ড্ৰাগছ সৰবৰাহকাৰী

দেওবাৰে নিশা গোলাঘাট আৰক্ষীয়ে গোপন খবৰৰ ভিত্তিত অভিযান চলাই গ্ৰেপ্তাৰ কৰে তিনিটা ড্ৰাগছ সৰবৰাহকাৰী ৷ জিলাখনৰ তেতেলীতল অঞ্চলত এখন ইণ্ডিগ' বাহনসহ গ্ৰেপ্তাৰ হয় তিনিওগৰাকী সৰবৰাহকাৰী ৷

গোলাঘাট, 25 নৱেম্বৰঃ গোলাঘাট আৰক্ষীৰ অভিযানত গ্ৰেপ্তাৰ ড্ৰাগছ সৰবৰাহকাৰী ৷ দেওবাৰে নিশাৰ ভাগত অভিযান চলাই গোলাঘাট আৰক্ষীয়ে গ্ৰেপ্তাৰ কৰে তিনিজনকৈ কুখ্যাত ড্ৰাগছ সৰবৰাহকাৰীক ৷ গোপন খবৰৰ ভিত্তিত দেওবাৰে নিশা তেতেলীতল অঞ্চলত চলোৱা এক অভিযানৰ সময়তে কাৰায়ত্ত হয় তিনিওগৰাকী ড্ৰাগছ সৰবৰাহকাৰী ৷

লগতে পঢ়কঃ ডিভাইড অসম 50-50ৰে উত্তাল কোকৰাঝাৰ

আৰক্ষীয়ে প্ৰকাশ কৰা অনুসৰি, ডিমাপুৰৰ পৰা এখন ইণ্ডিকা গাড়ীৰে আহি থকা অৱস্থাত প্ৰায় লক্ষাধিক টকা মুল্যৰ ড্ৰাগছসহ গ্ৰেপ্তাৰ হয় তিনিজন ড্ৰাগছ সৰবৰাহকাৰী ৷ গ্ৰেপ্তাৰ হোৱা তিনিওজন ড্ৰাগছ সৰবৰাহকাৰীক লিপিব্ৰত নাথ, দিগন্ত বৰা আৰু পাৰ্থপ্ৰতীম বৰা বুলি জনাইছে আৰক্ষীয়ে ৷ ইয়াৰে লিপিব্ৰত বৰাৰ নেতৃত্বতে গোলাঘাটত ড্ৰাগছৰ সৰবৰাহ চলি আহিছিল বুলি আৰক্ষীয়ে প্ৰকাশ কৰিছে ৷