গোৱালপাৰাত বিদ্যুৎস্পৃষ্ট হৈ যুৱকৰ মৃত্যু

গোৱালপাৰাত বিদ্যুৎস্পৃষ্ট হৈ যুৱকৰ কৰুণ মৃত্যু ৷ বিদ্যুৎ পৰিবাঁহী তাঁৰত লাগি থিতাতে মৃত্যু হয় যুৱকজনৰ ৷

গোৱালপাৰা, 23 আগষ্টঃ গোৱালপাৰা জিলাৰ ৰংজুলি থানাৰ অন্তৰ্গত বৰপথাৰত শুকুৰবাৰে সংঘটিত হয় এটা শোকাৱহ ঘটনা । গাঁওখনৰ আছাদ আলী নামৰ এজন যুৱকে বিদ্যুৎস্পৃষ্ট হৈ কৰুণ মৃত্যুক সাৱটি লয় । নিজৰ দোকানত বিদ্যুতৰ মিটাৰ সংযোগ দিবলৈ গৈ 11 হাজাৰ ভল্টৰ বিদ্যুৎপৰিবাঁহী তাঁৰত লাগি থিতাতে মৃত্যু হয় যুৱকজনৰ । ইপিনে শক্তি বিভাগৰ গাফিলতিৰ বাবেই যুৱকজনৰ মৃত্যু হোৱাৰ অভিযোগ উত্থাপন কৰিছে স্থানীয় ৰাইজে । বিভাগীয় অৱহেলাৰ বাবেই যুৱকজনৰ মৃত্যু হোৱা বুলি অভিযোগ তুলি স্থানীয় ৰাইজে মৃতকৰ পৰিয়ালক উপযুক্ত ক্ষতিপূৰণ প্ৰদান কৰাৰ দাবী জনাইছে ৷