গোৱালপাৰা,27 জুন: ৰাজ্যজুৰি বানৰ বিভিষিকা অব্যাহত থকা সময়তে গোৱালপাৰা কালুবাজাৰত অঘটন ৷ বাঢ়নী পানীত সলিল সমাধি এগৰাকী 4 বছৰীয়া কন্যা শিশুৰ ৷ কলৰ ভূৰত খেলি থকা সময়তে পানীত পৰি মৃত্যু হয় কালু বাজাৰৰ জুৰান আলীৰ কন্যা জেছমিনা আহমেদ নামৰ কন্যা শিশুটিৰ ৷ জনিব পৰা মতে দিনৰ প্ৰায় 11 মান বজাত সংঘটিত হয় এই ঘটনা ৷
প্ৰত্যক্ষদৰ্শীৰ ভাষ্য অনুসৰি বাঢ়নী পানীত এখন কলৰ ভূৰত খেলি থকা সময়তে হঠাৎ নাইকিয়া হয় কণমানি জেছমিনা আহমেদ ৷ ইয়াৰ পিছত শিশুটিৰ মাকে চিঞৰ বাখৰ কৰাত স্থানীয় ৰাইজ উপস্থিত হৈ বিচাৰ- খোচাৰ কৰে শিশুটিক ৷ অৱশেষত পানীত ওপঙি থকা অৱস্থাত উদ্ধাৰ হয় কণমানি শিশুটিৰ মৃতদেহ ৷ স্থানীয় ৰাইজে সমগ্ৰ ঘটনা সন্দৰ্ভত আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ গোৱালপাৰা অসামৰিক চিকিৎসালয়লৈ মৰণোত্তৰ পৰীক্ষাৰ বাবে প্ৰেৰণ কৰে কণমানি জনীৰ মৃতদেহ ৷
লগতে পঢ়কঃ বেকীৰ বানত প্লাবিত কলগাছিয়াৰ কুৰিখন গাঁও
