গোৱালপাৰাত বন্যহস্তীৰ তাণ্ডৱ

গোৱালপাৰৰ ফুটুৰীপাৰা-লেওঁৱাবাৰী গাঁৱত শুকুৰবাৰে বন্যহস্তীয়ে আক্ৰমণ চলাই ধ্বংস কৰে এজন লোকৰ বাসগৃহ ৷ আক্ৰমণত কথমপি ৰক্ষা পৰে পৰিয়ালটো ৷

গোৱালপাৰা,26 ডিচেম্বৰ: গোৱালপাৰাত অব্যাহত আছে বন্যবস্তীৰ তাণ্ডৱ ৷ জিলাখনৰ ফুটুৰীপাৰা-লেওঁৱাবাৰী গাঁৱত শুকুৰবাৰে বন্যহস্তীয়ে আক্ৰমণ চলাই ধ্বংস কৰে এজন লোকৰ বাসগৃহ ৷ শুকুৰবাৰে নিশা প্ৰায় ২:৩০ বজাত 25 টা বনৰীয়া হাতীৰ এটা জাকে হাকামি আলীৰ বাসগৃহৰ ক্ষতিসাধন কৰাৰ লগতে বাৰীৰ সকলো গছ-গছনি ভাঙি তহিলং কৰে ৷ ইয়াৰ উপৰিও হাতীৰ জাকটোৱে ভঁড়ালৰ ধানসমূহো খাই নষ্ট কৰে ৷

গোৱালপাৰাত বন্যহস্তীৰ তাণ্ডৱ

আনহাতে, হাতীৰ আক্ৰমণত শংকিত হাকামি আলীৰ পৰিয়ালে নিশাই প্ৰাণ ৰক্ষা কৰি পলায়ন কৰে ৷ পৰৱৰ্তী সময়ত স্থানীয় ৰাইজে হাতীৰ জাকটো খেদি পঠিয়াবলৈ সক্ষম হয় ৷ অতিশীঘ্ৰে হাকামি আলীৰ পৰিয়ালক ক্ষতিপূৰণ প্ৰদানৰ ব্যৱস্থা কৰিবলৈ চৰকাৰক দাবী জনায় ৰাইজে ৷

লগতে পঢ়ক-ইটিভি ভাৰতৰ বাতৰিৰ প্ৰভাৱ : পচকীবালা ৰায়ৰ ঘৰলৈ সাহায্য