গোৱালপাৰা জিলাত উদ্ধাৰ নিৰুদ্দেশ ব্যক্তিৰ মৃতদেহ

মঙলবাৰৰ পৰা নিৰুদ্দেশ হৈ থকা এজন ব্যক্তিৰ মৃতদেহ পুখুৰীত ওপঙি থকা অৱস্থাত উদ্ধাৰ ৷ ইয়াৰ আলী (75) নামৰ লোকজনে স্থানীয় বজাৰত বজাৰ কৰিবলৈ যোৱাৰ পাছতে নিৰুদ্দেশ হৈছিল ৷

গোৱালপাৰা , 4 অক্টোবৰঃ গোৱালপাৰা জিলাৰ নৱাগত শিমলীতলাত বৃহস্পতিবাৰে পানীত ওপঙি থকা অৱস্থাত উদ্ধাৰ হয় এটা মৃতদেহ ৷ উদ্ধাৰ হোৱা মৃতদেহটো ইয়াৰ আলী নামৰ এজন লোকৰ বুলি জানিব পৰা গৈছে ৷ উল্লেখ্য যে, লোকজন মঙলবাৰৰ পৰা নিৰুদ্দেশ হৈ আছিল ৷ কানকাটা গাঁৱৰ ইয়াৰ আলী (75) নামৰ লোকজনে মঙলবাৰে ঘৰৰ পৰা নৱাগত শিমলীতোলা বজাৰত বজাৰ কৰিবলৈ বুলি ওলাই যোৱাৰ পাছৰে পৰা নিৰুদ্দেশ হৈ আছিল ৷ শিমলীতোলা গাঁৱৰে বাবুল আলী নামৰ লোকজনৰ ঘৰৰ পুখুৰীত উদ্ধাৰ হয় লোকজনৰ মৃতদেহ ৷ স্থানীয় ৰাইজে আৰক্ষীক খবৰ দিয়াৰ পাছতে আৰক্ষীয়ে উদ্ধাৰ কৰে মৃতদেহটো ৷

লগতে পঢ়কঃ মহানগৰীত চাৰিশ ড্ৰাইভাৰ হেণ্ডিমেনৰ শপতগ্ৰহণ !