গোৱালপাৰা, 26 এপ্ৰিল: বঙাইগাঁৱত সংঘটিত হৈছে এক চাঞ্চল্যকৰ ঘটনা ৷ মৃতদেহ সলনিক লৈ সৃষ্টি হৈছে এই চাঞ্চল্যৰ ৷ সংঘৰ্ষত নিহত KLOৰ সদস্যৰ মৃতদেহ সাল-সলনি ৷
বঙাইগাঁও জিলাৰ কাশিডোবাত KLO সদস্যৰ মৃতদেহক লৈ চাঞ্চল্য ৷ ২৪ এপ্ৰিলত কোকৰাঝাৰ জিলাৰ মাওৰীয়া গাঁৱত নিৰাপত্তা বাহিনী আৰু KLO ৰ মাজত হোৱা সংঘৰ্ষত নিহত হৈছিল বঙাইগাঁও জিলাৰ কাশিডোবাৰ নিপন ৰায় নামৰ এজন যুৱক ৷ লগতে একেটা সংঘৰ্ষত নিহত হৈছিল ওদালগুৰি জিলাৰ ৰৌতাৰ অভিজিৎ ডেকা নামৰ এজন যুৱক ৷
কিন্ত সংঘৰ্ষত নিহতৰ মৃতদেহ পৰিয়ালৰ লোকক গতাই দিয়াৰল পাচতেই লাগে অথন্তৰ ৷ নিহত নিপন ৰায়ৰ সলনি চিকিৎসালয় কৰ্তৃপক্ষই বেলেগ মৃতদেহ গতাই দিয়ে পৰিয়ালক ৷ বৰপেটা মেডিকেল কলেজত মৰণোত্তৰ পৰীক্ষা সম্পন্ন হোৱাৰ অন্তত পলিথিনেৰে মেৰিয়াই মৃতদেহটো গতাই দিয়ে নিহত নিপন ৰায়ৰ পৰিয়ালক (Exchange of body of slain KLO cadre in Bongaigaon) ৷ নিহত নিপন ৰায়ৰ সলনি চিকিৎসালয় কৰ্তৃপক্ষই পৰিয়ালৰ লোকক গতাই অভিজিৎ ডেকাৰ মৃতদেহ ৷
নিপন ৰায়ৰ অন্তিম সৎকাৰৰ বাবে শ্মশানলৈ অনাৰ পাচতে উপস্থিত ৰাইজ আৰু পৰিয়ালৰ লোকে মৃতদেহৰ মুখখন প্ৰত্যক্ষ কৰি নিশ্চিত হয় যে এয়া নিপন ৰায়ৰ মৃতদেহ নহয় ৷ ঘটনাটোক কেন্দ্ৰ কৰি লগে লগে ৰাইজৰ মাজত হাহাকাৰ পৰিস্থিতিৰ সৃষ্টি হয় (Dead Body Exchange of KLO Cadre in Bongaigaon) ৷
তাৎক্ষণিকভাৱে আৰক্ষীক এই ঘটনা সন্দৰ্ভত অৱগত কৰে পৰিয়ালৰ লোকে ৷ পাচত আৰক্ষীৰ সহযোগত ওদালগুৰিত যোগাযোগ কৰি এই মৃতদেহটো একেটা সংঘৰ্ষত নিহত হোৱা আন এজন KLO সদস্য ওদালগুৰিৰ অভিজিৎ ডেকাৰ মৃতদেহৰ লগত সলনি হৈছিল বুলি জানিব পাৰে পৰিয়ালৰ লোকে ৷ পৰৱৰ্তী সময়ত পুনৰ দালগুৰিৰ পৰা বঙাইগাঁৱলৈ নিপন ৰায়ৰ মৃতদেহ শ্মশানলৈ ঘূৰাই আনি অন্তিম সৎকাৰ সম্পন্ন কৰে পৰিয়াল তথা স্থানীয় ৰাইজে ৷ এই ঘটনাই তীব্ৰ প্ৰতিক্ৰিয়াৰ সৃষ্টি কৰিছে অঞ্চলটোত (Dead Body Exchange) ৷
উল্লেখযোগ্য যে, কোকৰাঝাৰ জিলাৰ মাওৰীয়া গাঁৱত 24 এপ্ৰিলত সংঘটিত হৈছিল এই এনকাউণ্টাৰৰ ঘটনা ৷ য’ত দুজনকৈ KLO ৰ সদস্য নিহত হোৱাৰ লগতে চাৰিজন KLO ৰ সদস্যক আটক কৰিছিল আৰক্ষীয়ে ৷
লগতে পঢ়ক: Barpeta moral policing case: বৰপেটা ৰোড কাণ্ডৰ সৈতে জড়িত 11 টাক গ্ৰেপ্তাৰ; কেইবাটাও পলাতক
