গোৱালপাৰা, 25 মে' : নাতিনীয়েকৰ নিথৰ দেহটো বুকুত সাৱটি এগৰাকী আইতাৰ হিয়া ভঙা কান্দোন ৷ কোনেও বুজনি দিব পৰা নাই আইতাক । আইতা গৰাকীৰ কান্দোনত চকু সেমেকিছে উপস্থিত সকলোৰে । শনিবাৰৰ ঘটনা এইয়া ৷ খেলি থকা অৱস্থাতে দ' খাৱৈত পৰে নগৰবেৰাৰ লক্ষণপুৰ গাঁৱৰ তিনি বছৰীয়া কণমানি সুমন দাস ৷ পৰিয়ালবৰ্গই সুমনক বিচাৰি নাপাই সকলোকে সোধা-পোচা কৰাৰ পাচতে সুমনৰ মৃতদেহ উদ্ধাৰ কৰা হয় খাৱৈৰ পৰা ৷ সুমনৰ নিথৰ দেহ উদ্ধাৰৰ পাচতেই সুমনৰ ঘৰত কান্দোনৰ ৰোল ৷
এগৰাকী আইতাৰ হিয়া ভঙা ক্ৰন্দন
মৃত সুমনক জীয়াই তুলিবলৈ অপ্ৰাণ চেষ্টা কৰিছে গাঁৱৰ মহিলাসকলৰ ৷ যিয়ে যিমান পাৰে সুমনৰ নিথৰ দেহত তেল ঘহিছে যাতে জীয়াই উঠক সুমন ৷ যদিও ভ্ৰূক্ষেপ নাই সুমনৰ । চিৰদিনৰ বাবে নিদ্ৰাত সুমন ৷ সুমনক হেৰুৱাই এতিয়া শোকস্তব্ধ হৈ পৰিছে পৰিয়াল, আত্মীয়স্বজনৰ লগতে গাঁওবাসী ।
