নেশ্যনেল ডেস্ক, 10 ছেপ্টেম্বৰ: ৰাজ্যত ক্ৰমান্বয়ে বৃদ্ধি পাইছে দুৰ্ঘটনাৰ ঘটনা ৷ গোৱালপাৰাত শনিবাৰৰ নিশা সংঘটিত হয় ভয়ংকৰ পথ দুৰ্ঘটনা । বাইকেৰে নিজ ঘৰলৈ গৈ থকা অৱস্থাত অচিনাক্ত বাহনৰ খুন্দাত থিতাতে নিহত হয় দুই যুৱক । নিহত যুৱক দুগৰাকী অনন্ত ৰাভা আৰু বিকাশ ৰাভা বুলি জানিব পৰা গৈছে । মৃত দুই যুৱকৰ দুয়োৰে ঘৰ মেঘালয়ৰ থাপানদাগিৰীত বুলি জানিব পৰা গৈছে ।
উল্লেখ্য যে, 9 ছেপ্টেম্বৰৰ নিশা গোৱালপাৰা জিলাৰ ধূপধৰাৰ দেওশিলাত সংঘটিত হয় ভয়ংকৰ পথ দুৰ্ঘটনাটো । দুৰ্ঘটনাটোৰ ফলত থিতাতে নিহত হয় দুজনকৈ যুৱক । জানিব পৰা মতে, শনিবাৰৰ নিশা প্ৰায় 11 বজাত ধুপধৰা আৰক্ষী থানাৰ অন্তৰ্গত দেওশিলাত সংঘটিত হয় দুৰ্ঘটনাটো ৷ যুৱক দুগৰাকীয়ে বাইকেৰে ধুপধৰাৰ পৰা নিজ গৃহলৈ গৈ থকা অৱস্থাতে পিছফালৰ পৰা তীব্ৰ গতিত অহা এক অচিনাক্ত বাহনে খুন্দিয়াই দিয়ে বাইকখনক ।
বাহনখনৰ খুন্দাত থিতাতে নিহত হয় অনন্ত ৰাভা আৰু বিকাশ ৰাভা নামৰ যুৱক দুজন । দুৰ্ঘটনা সংঘটিত কৰি ঘটনাস্থলীৰ পৰা পলায়ন কৰে বাহনখনে । নিহত যুৱক দুগৰাকী চুবুৰীয়া ৰাজ্য মেঘালয়ৰ নৰ্থ-গাৰো হিলছৰ মেন্দিপথাৰ থাপানদাগিৰিৰ বুলি জানিব পৰা গৈছে । দুৰ্ঘটনাত পতিত হোৱা বাইকখন হৈছে য়ামাহা R15 ৷ পঞ্জীয়ন নম্বৰ AS 01 FN 7746 ।
নিশাই ঘটনাস্থলীত ধুপধৰা আৰক্ষী উপস্থিত হৈ দুৰ্ঘটনাত নিহত হোৱা যুৱকদ্বয়ক উদ্ধাৰ কৰি মৰণোত্তৰ পৰীক্ষাৰ বাবে গোৱালপাৰা অসামৰিক চিকিৎসালয়লৈ প্ৰেৰণ কৰে । দুৰ্ঘটনা সংঘটিত কৰি পলায়ন কৰা বাহনখনৰ বৰ্তমানলৈকে কোনো সন্ধান লাভ কৰিবলৈ সক্ষম হোৱা নাই ধূপধৰা আৰক্ষীয়ে ৷ বাহনখন বিচাৰি আৰক্ষীয়ে অব্যাহত ৰাখিছে অনুসন্ধান ।
লগতে পঢ়ক: Drama festival : 11 ছেপ্টেম্বৰৰ পৰা আৰম্ভ হ’ব 14 সংখ্যক ব্রজনাথ শৰ্মা সোঁৱৰণী নাট সমাৰোহ
