ডিমা হাছাও,১৪ মে: ডিমা হাছাও জিলাত ভয়ংকৰ পৰিৱেশ(Dima Hasao situation is pathetic) । হাফলংৰ ওচৰতে হকাইপুনজি গাঁৱত ভূমিস্খলনৰ ফলত এগৰাকী শিশুসহ তিনিগৰাকীৰ মৃত্যু ঘটে । এই হৃদয়বিদাৰক ঘটনা সংগঠিত হয় শনিবাৰে দিনৰ ভাগত ।
ডিমা হাছাও জিলাত যোৱা তিনি দিনৰ পৰা প্ৰচণ্ড বৰষুণ অব্যাহত থকাৰ বাবে জিলাৰ বিভিন্ন ঠাইত এনে ভূমিস্খলন হৈ প্ৰচুৰ পৰিমাণে ক্ষয়ক্ষতি হৈছে । ভূমিস্খলৰ ফলত ভূ-পতিত হৈছে বহু লোকৰ বাসগৃহ ।
হাফলং আৰক্ষী থানাৰ অন্তৰ্গত হকাইপুনজি গাঁৱত আজি দিনৰ ভাগত এটা বাসগৃহৰ ওপৰত পাহাৰৰ মাটি খহি পৰাৰ ফলত ঘৰটোত তিনি গৰাকী লোকৰ মৃত্যু হয় । এই তিনিগৰাকীৰ ভিতৰত আছিল এটি ৪ বছৰীয়া শিশুও ।
ভূমিস্খলনৰ ফলত মৃত্য হোৱা তিনি গৰাকী লোক হল পেৰামচুইলুংবে জেমি, কিচেতুং জেমি, নিচুং লুংলে জেমি বুলি জানিব পৰা গৈছে । বাতৰি সংগ্ৰহৰ সময়লৈ মৃত এটাও মৃতদেহ উদ্ধাৰ কৰিবলৈ সক্ষম হোৱা নাই বুলি জানিব পৰা গৈছে ।
লগতে পঢ়ক: শিলচৰ সাংসদ-শাসক দলৰ নেতাৰ ব্যক্তিগত স্বাৰ্থৰ বাবেই ডলু বাগিচাত উচ্ছেদ: কমলাক্ষ্য
