ডিমা হাছাও, 28 মে’: ডিমা হাছাও জিলাত সোমবাৰে নিশা 9 মান বজাত সংঘটিত হয় এক পথ দুৰ্ঘটনাত ৷ দুৰ্ঘটনাটোত থিতাতে নিহত হয় এজনকৈ লোক । ডিমা হাছাও জিলাৰ মাইবাং মহকুমাৰ অন্তৰ্গত হাতীখালি 27 নং ৰাষ্ট্ৰীয় ঘাইপথত সংঘটিত হয় এই শোকাৱহ পথ দুৰ্ঘটনাটো ৷ য’ত থিতাতে নিহত হয় এগৰাকী মহিলা ৷
শাক পাচুলি লৈ লামডিংৰ পৰা মাহুৰ অহাৰ সময়তে AS ০২ BC ৩২৪২ নম্বৰৰ এখন টাটা ম’বাইল বাহন হাতীখালি ৰাষ্ট্ৰীয় ঘাইপথটোৰ ওপৰতে বাগৰি পৰে ফলত থিতাতে মৃত্যুক সাৱতিব লগীয়া হয় মহিলাগৰাকী ৷ আনহাতে গুৰুতৰ ভাৱে আহত হয় আন দুগৰাকী মহিলা । দুৰ্ঘটনাৰ পাচত ঘটনা স্থলীত উপস্থিত আৰক্ষী ৷ আহত সকলক ততাতৈয়াকৈ প্ৰেৰণ কৰা হয় লামডিং হাস্পতালত ৷
