ডিমা হাছাও, 13 এপ্ৰিল : ডিমা হাছাও জিলাৰ সদৰ চহৰ হাফলঙত এগৰাকী যুৱতীৰ শ্লীলতাহানি কৰাৰ অভিযোগত অভিযুক্ত পনদেছ চেংয়ুং নামৰ ব্যক্তিজনক Wanted ঘোষণা কৰিছে ডিমা হাছাও আৰক্ষীয়ে । পনদেছ চেংয়ুং ক’ত আছে বা তেওঁৰ সম্ভেদ দিয়া ব্যক্তিক 50 হাজাৰ টকাৰ পুৰস্কাৰ দিয়াৰ লগতে খবৰ দিয়া ব্যক্তিজনৰ পৰিচয় গোপনীয় ৰখা হ’ব । ডিমা হাছাও জিলাৰ আৰক্ষী অধীক্ষক জয়ন্ত সিঙে বুধবাৰ বিয়লি এখন সংবাদমেলৰ আয়োজন কৰি এই কথা জানিবলৈ দিয়ে ।
ডিমা হাছাও আৰক্ষীয়ে ইতিমধ্যে মনদেছ চেংয়ুংৰ পোষ্টাৰ বনাই তেওঁক Wanted ঘোষণা কৰাৰ লগতে 50 হাজাৰ টকাৰ পুৰস্কাৰ ঘোষণা কৰি বিভিন্ন থানাত তেওঁৰ ফটো পঠাইছে । পনদেছ চেংয়ুঙক গ্ৰেপ্তাৰ কৰাৰ বাবে আৰক্ষীয়ে ইতিমধ্যে অল আউট অভিযান আৰম্ভ কৰিছে ৷ মনদেছ চেংয়ুঙৰ নীলা ৰঙৰ এলটো গাড়ীখন আৰক্ষীয়ে জব্দ কৰিবলৈ সক্ষম হৈছে ৷
আৰক্ষী অধীক্ষকগৰাকীয়ে অনতিপলমে এই অভিযুক্তগৰাকীক আৰক্ষীয়ে গ্ৰেপ্তাৰ কৰিবলৈ সক্ষম হ’ব বুলি জানিবলৈ দিয়ে ৷ তেওঁ লগতে কোনো মহিলাৰ লগত এনেধৰণৰ ঘটনা সংঘটিত হ’লে অনতিপলমে আৰক্ষীক অৱগত কৰাৰ বাবে আহ্বান জনায় ৷
উল্লেখ্য পনদেছ চেংয়ুং নামৰ ব্যক্তিজনে 9 এপ্ৰিলত হাফলং এন এল দাওলাগাপু খেলপথাৰৰ কাষত এগৰাকী যুৱতীক অভব্য আচৰণ আৰু শ্লীলতাহানি কৰা বুলি অভিযোগ কৰি যুৱতীগৰাকীয়ে হাফলং আৰক্ষী থানাত এজাহাৰ দাখিল কৰিছিল । যুৱতীগৰাকীয়ে এই সন্দৰ্ভত মুখ্যমন্ত্ৰী ড৹ হিমন্ত বিশ্ব শৰ্মা আৰু আৰক্ষী সঞ্চালক প্ৰধান ভাস্কৰজ্যোতি মহন্তক টুইট কৰি অভিযুক্ত পনদেছ চেংয়ুংক গ্ৰেপ্তাৰ কৰি শাস্তি প্ৰদানৰ দাবী জনাইছিল ।
পনদেছ চেংয়ুং নামৰ ব্যক্তি গৰাকীয়ে হাফলঙত আৰু বহু যুৱতীৰ এনেকৈ শ্লীলতাহানি কৰাৰ চেষ্টা চলাইছিল বুলি অভিযোগ উত্থাপন হৈছে(Pandes Chengyung accused of continuously molesting women in Haflong) ।
লগতে পঢ়ক : Encounter in Sipajhar : আৰক্ষীৰ গুলীত নিহত ছাত্ৰীবাৰীৰ ডকাইতি কাণ্ডৰ মাষ্টাৰ মাইণ্ড
