ডিমা হাচাও, 20 জুলাই : ডিমা হাছাও জিলাত ফোনযোগে ব্যৱসায়ীক ধন দাবী সাংবাদিকৰ (Journalist demands money over phone)। অসমৰ অন্যতম পাহাৰীয়া জিলাৰ উদ্যোগ নগৰী হিচাবে পৰিচিত উমৰাংচুত এই ঘটনা সংঘটিত হৈছে । এতিয়া এই সাংবাদিকৰ অডিঅ’ ক্লিপিংছ ভাইৰেল হৈ পৰিছে সামাজিক মাধ্যমত । সাংবাদিকতাৰ দৰে মহান পেছাক এতিয়া লজ্জানত কৰিছে কিছুমান পৰ্টেলৰ সাংবাদিকে ।
ডিমা হাছাও জিলাৰ এটা স্থানীয় নিউজ পৰ্টেলত কৰ্মৰত এগৰাকী সাংবাদিকে এজন ব্যৱসায়ীক ফোনত ধন দাবী কৰি এতিয়া বিপাঙত পৰিছে (Extortion over phone) । এই সাংবাদিক গৰাকীৰ যি অডিঅ’ এতিয়া ক্লিপিংছ ভাইৰাল হৈ পৰিছে, তাত স্পষ্ট হৈ আছে ধন বিচৰাৰ প্ৰমাণ ৷ স্থানীয় কিছু নিউজ পৰ্টেলৰ নাম লৈ এই তথাকথিত সাংবাদিকে উমৰাংচুৰ এগৰাকী ব্যৱসায়ী ওচৰত ধন দাবী কৰিছে ।
জানিব পৰা মতে, উমৰাংচুৰ এখন ৰেষ্টুৰেণ্টত ফাষ্টফুড গ্ৰহণ কৰি অসুস্থ হৈ পৰিছিল চাৰিগৰাকী যুৱক । ইয়াৰ পিছতে এই চাৰিও যুৱকক উমৰাংচু চিকিৎসালয়ত ভৰ্তি কৰোৱা হয় ।
এই বাতৰিটো সংগ্ৰহ কৰিছিল ডিমা হাছাও জিলাৰ এটা স্থানীয় নিউজ পৰ্টেলৰ সাংবাদিক বিশ্বজিৎ দেয়ে । ইয়াৰ পিছতে এই বাতৰি সম্প্ৰচাৰ কৰাৰ পৰা বিৰত থকাৰ বাবদে উমৰাংচু বজাৰৰ ৰেষ্টুৰেণ্টখনৰ গৰাকীক ফোনতে 35 হাজাৰ টকা দাবী কৰিছিল সাংবাদিক গৰাকীয়ে । সাংবাদিক আৰু ব্যৱসায়ীৰ ফোন কলৰ অডিঅ’ সামাজিক যোগাযোগ মাধ্যমত ভাইৰাল হৈ পৰাৰ পিচতে সেয়া লৈ তীব্ৰ প্ৰতিক্ৰিয়াৰ সৃষ্টি হৈছে ।
এইবাৰ স্থানীয় লোকসকলে এই সাংবাদিকগৰাকীৰ বিৰুদ্ধে ব্যৱস্থা গ্ৰহণৰ বাবে প্ৰশাসনৰ ওচৰত দাবী জনাইছে । এতিয়া ফোনত এনেদৰে ব্যৱসায়ীক ধন দাবী কৰা সাংবাদিকগৰাকীৰ বিৰুদ্ধে প্ৰশাসন বা আৰক্ষীয়ে কি ব্যৱস্থা গ্ৰহণ কৰে সেয়া লক্ষণীয় হ’ব ।
লগতে পঢ়ক: MP Pradyut Bordoloi critise CM: দুশ গ্ৰাম মিঠাতেলেৰে বান সমস্যা সমাধান কৰিব নোৱাৰি
