ডিব্ৰুগড় ,৩০ অক্টোবৰ: সোণাৰিত ক্ৰমাৎ বৃদ্ধি পাইছে দুচকীয়া অথবা চাৰিচকীয়া বাহন চুৰিৰ ঘটনা । গাড়ী চোৰৰ বিৰুদ্ধে কঠোৰ হোৱা পৰিলক্ষিত হৈছে আৰক্ষী প্ৰশাসন(Police against car thieves) । দেওবাৰে আৰক্ষীয়ে গ্ৰেপ্তাৰ কৰে তিনিটাকৈ গভাইত বাইক চোৰক(Three thieves arrested) ।
চৰাইদেউ জিলাৰ সোণাৰিৰ বিভিন্ন ঠাইত বিগত কেইবামাহ ধৰি বাইক চোৰে নিদ্ৰাহৰণ কৰি আহিছিল আৰক্ষীৰ । বাইক চোৰ ধৰিবলৈ আৰক্ষীয়ে অভিযান তৎপৰ কৰিছিল যদিও বিশেষ সফল হ'ব পৰা নাছিল । কিন্তু আজি সোণাৰি আৰক্ষীৰ জালত পৰিল ৩ টাকৈ দুৰ্ধৰ্ষ বাইক চোৰ(Sonari police mission against car thieves) ।
সোণাৰি নগৰৰ মাজমজিয়াত আৰক্ষীয়ে খেদি খেদি আটক কৰিবলৈ সক্ষম হয় গভাইত চোৰকেইটাক(Assam police anti crime movement) । ধৃত বাইক চোৰকেইটা আব্দুল হুছেইন চৌধুৰী, জাহাংগীৰ হুছেইন লহকৰ আৰু জয়ন্ত নাথ বুলি জানিব পৰা হৈছে । আৰক্ষী চোৰ তিনিটাক গ্ৰেপ্তাৰ কৰি সোণাৰি আৰক্ষী থানালৈ লৈ আনে । ইয়াৰ পাছতেই আৰক্ষীয়ে ধৃত চোৰকেইটাৰ মাৰাথন জেৰা চলায় ৷
আৰক্ষী সূত্ৰে জানিব পৰা মতে, দুদিন মানৰ পূৰ্বেই চুৰি হোৱা এখন বাইকৰ অনুসন্ধান চলাই আছিল আৰক্ষীৰ দলটোৱে ৷ এই অভিযানৰ সময়তে আৰক্ষীয়ে এই গভাইত চোৰ তিনিটাক আটক কৰিবলৈ সক্ষম হয় (Three thieves arrested in Sonari)।
আৰক্ষীয়ে লগতে উল্লেখ কৰা অনুসৰি, ধৃত আব্দুল হুছেইন চৌধুৰী আৰু জাহাংগীৰ হুছেইন লহকৰে কিছুদিন পূৰ্বে এখন আপাচী বাইক বিক্ৰী কৰিছিল ৷ 15,000 টকাত বিক্ৰী কৰা এই বাইকখনৰ শুংসূত্ৰ উলিয়াবলৈ গৈ আৰক্ষীয়ে কৰায়ত্ত কৰিবলৈ সক্ষম হয় তিনি বাইক চোৰৰ দলটোক ৷ চুৰি বাইকখন নাগালেণ্ডত বিক্ৰী কৰা বুলি ধৃত চোৰকেইটাই জানিবলৈ দিয়ে ৷ ঘটনা সন্দৰ্ভত অধিক তথ্য লাভৰ বাবে সোণাৰি আৰক্ষীয়ে বৰ্তমানেও অব্যাহত ৰাখিছে তদন্তৰ(Investigation is going on) ৷
