টিংখাং,1জুলাইঃ ৰাজ্যত বানৰ সংহাৰৰ মাজতে টিংখাঙৰ দিঘলীয়াত সংঘটিত হৈছে এক শোকাৱহ দুৰ্ঘটনা ৷ এটা জানত পৰি তিনিটাকৈ শিশুৰ কৰুণ মৃত্যু ৷ ঘটনাত মৃত্যু হৈছে একে পৰিয়ালৰে দুগৰাকী কন্যাৰ লগতে ওচৰৰে আন এগৰাকী কন্যাৰ ৷ অৱশেষত স্থানীয় লোক তথা আৰক্ষীৰ সহায়ত উদ্ধাৰ কৰা হয় মৃতদেহকেইটা ৷
জানত পৰি 3 শিশুৰ সলিল সমাধি
জানিব পৰা মতে, গাঁৱৰে এঘৰ মানুহৰ পৰা কঁঠাল নিবলৈ আহি এটা জানত পৰে শিশুকেইটা ৷ নিহত শিশুকেইটাৰ নাম বেবী খাৰীয়া (১২), চঞ্জনা খাৰীয়া (৮) আৰু মনতী কেউত (৭)৷ এই ঘটনাই বৰ্তমান সমগ্ৰ অঞ্চলতে শোকৰ ছাঁ পেলাইছে৷
