মৰাণ, ২৬ ফেব্ৰুৱাৰী: বৃহস্পতিবাৰে ডিব্ৰুগড় জিলা প্ৰশাসনৰ উদ্যোগত আৰু জিলা ক্ৰীড়া বিষয়াৰ সহযোগত ক্ৰীড়া সামগ্ৰী বিতৰণ উপলক্ষে এখন সভা অনুষ্ঠিত কৰা হয় । উপায়ুক্ত কাৰ্যালয়ৰ সভাকক্ষত উপায়ুক্ত পল্লৱ গোপাল ঝাৰ সভাপতিত্বত অনুষ্ঠিত হয় এই সভাখন । 'গভৰনৰ্চ গাৰ্লচ ভলীবল মিছনৰ' অধীনত সভাখন অনুষ্ঠিত কৰা হয় । ডিব্ৰুগড় জিলাৰ মুঠ ২০১ খন প্ৰদেশীকৃত বিদ্যালয়ৰ প্ৰতিখনত দুটাকৈ ভলীবল আৰু নেট প্ৰদানৰ ব্যৱস্থা কৰা হৈছে ।
এই সভাত বকপাৰা মধ্য ইংৰাজী বিদ্যালয়, মানকটা প্ৰগতি মধ্য ইংৰাজী বিদ্যালয়, কলাখোৱা মিৰিপথাৰ হাইস্কুল, বকুল হাইস্কুল আৰু গ্ৰাহাম বজাৰ গাৰ্লচ হাইস্কুলৰ প্ৰধান শিক্ষক, প্ৰধান শিক্ষয়ত্ৰীক ক্ৰীড়া সামগ্ৰীখিনি বিতৰণ কৰা হয় । আন বিদ্যালয়সমূহক ডিব্ৰুগড়ৰ মাাল্টিপাৰপাচ্ ইণ্ডোৰ ষ্টেডিয়ামত ক্ৰীড়া সামগ্ৰীসমূহ বিতৰণ কৰা হয় ।
বৃহস্পতিবাৰৰ এই সভাত জিলা উন্নয়ন আয়ুক্ত পাৰ্থ প্ৰতীম বৈৰাগী, অতিৰিক্ত উপায়ুক্ত (শিক্ষা) নন্দিতা বৰুৱা, সহকাৰী আয়ুক্ত জয় শিৱানী, বিদ্যালয়সমূহৰ পৰিদৰ্শিকা দীপিকা চৌধুৰী আৰু জিলা ক্ৰীড়া বিষয়া সঞ্জয় উপাধ্যায় উপস্থিত আছিল ।
লগতে পঢ়ক:গামোচাত NO CAA লিখি প্ৰতিবাদ গোলাঘাটত জিলা কংগ্ৰেছৰ
