ডিব্ৰুগড়,5 জুন: শনিবাৰে ঘোষণা হ’ব এইবৰ্ষৰ হাইস্কুল শিক্ষান্ত পৰীক্ষাৰ ফলাফল ৷ এইবাৰ কোনো ছাত্ৰ-ছাত্ৰী তথা অভিভাৱকে ফলাফল ল’বলৈ যাব নোৱাৰিব বিদ্যালয়লৈ । ঘৰত বহিয়েই ম’বাইলত লাভ কৰিব ফলাফল । ইয়াৰোপৰি স্থান লাভ কৰা ছাত্ৰ-ছাত্ৰীৰ লগত শোভাযাত্ৰা কৰাত আৰোপ কৰা হৈছে নিষেধাজ্ঞা । তদুপৰি ফলাফল লাভ কৰা তথা স্থান লাভ কৰা ছাত্ৰ-ছাত্ৰীৰ ঘৰলৈ গৈ ভিৰ কৰিব নোৱাৰিব অন্য লোকে । শুকুৰবাৰে ডিব্ৰুগড়ত এই কথা ঘোষণা কৰে শিক্ষা মন্ত্ৰী ড৹ হিমন্ত বিশ্ব শৰ্মাই ।
হাইস্কুল শিক্ষান্ত পৰীক্ষাৰ ফলাফল সম্পৰ্কত প্ৰতিক্ৰিয়া
আনহাতে,ছাত্ৰ-ছাত্ৰীসকলে ইণ্টাৰনেটৰ যোগেদি যি মাৰ্কশ্বিট লাভ কৰিব সেইখন নামভৰ্তিৰ বাবে গ্ৰাহ্য কৰা হ’ব ৷ তদুপৰি পূৰ্বৰ দৰে এইবাৰো পৰীক্ষাৰ ফলাফল বিসংগতিমুক্তভাৱে ঘোষণা কৰিবলৈ সক্ষম হ’ব বুলি মন্তব্য কৰে মন্ত্ৰী শৰ্মাই ।
লগতে চাওকঃ বাহন দূৰ্ঘটনাগ্ৰস্থ হৈ গুৰুতৰভাৱে আহত 5জন এছএছবি জোৱান
