মৰাণ,19 ডিচেম্বৰ : ৰাজ্যত মাইক্ৰ ফাইনেন্সৰ বিৰুদ্ধে পুনৰ জাগ্ৰত হৈছে মহিলা সমাজ । শুকুৰবাৰে মৰাণৰ তিলৈ গ্ৰাম্য বজাৰ প্ৰেক্ষাগৃহত মাইক্ৰ ফাইনেন্সৰ বিৰুদ্ধে অনুষ্ঠিত হয় এখন প্ৰতিবাদী সভা । মাইক্ৰ ফাইনেন্স বিৰোধী মহিলাসকলৰ উদ্যোগত আৰু বিভিন্ন সংগঠনৰ সহযোগত অনুষ্ঠিত হোৱা প্ৰতিবাদী সভাত কেইবাটাও দল-সংগঠনৰ নেতৃত্বই ভুক্তভোগী মহিলাসকলক ঋণ ৰেহাই দিবলৈ দাবী জনায় ।
উক্ত সভাত ৰিজাৰ্ভ বেংকৰ নীতি-নিৰ্দেশনাক অমান্য কৰি যিসমূহ মাইক্ৰ ফাইনেন্স কোম্পানীয়ে ঋণগ্ৰস্ত মহিলাসকলৰ মাজত বোজাৰ সৃষ্টি কৰিছে সেই মাইক্ৰ ফাইনেন্সসমূহৰ বিৰুদ্ধে ব্যৱস্থা ল’বলৈ চৰকাৰক দাবী জনায় । লগতে মাইক্ৰ ফাইনেন্সৰ ঋণ ৰেহাই সন্দৰ্ভত যিবিলাক সংবাদ মাধ্যমে অপপ্ৰচাৰ চলাইছে সেই সংবাদ মাধ্যমসমূহকো সতৰ্ক কৰি দিয়া হয় ।
প্ৰতিবাদী সভাত প্ৰগতিশীল নাৰী সন্থা, ভুক্তভোগী মহিলা সমাজ, সদৌ অসম চাহ জনগোষ্ঠীৰ অধিকাৰ সংগ্ৰাম সমিতি, কৃষক মুক্তি সংগ্ৰাম সমিতি, জাতীয়তাবাদী যুৱ ছাত্ৰ পৰিষদ, মাতৃ সংস্থাকে ধৰি কেইবাটাও জাতি-জনগোষ্ঠীৰ সংগঠনে অংশগ্ৰহণ কৰে ।
লগতে পঢ়ক : 30 বছৰ বিনা বেতনে কাম কৰা অৱসৰপ্ৰাপ্ত প্ৰধান শিক্ষকক বিদায় সম্বৰ্ধনা
