বিধায়ক চক্ৰধৰ গগৈৰ বিয়া

বিবাহপাশত আৱদ্ধ হ’ব মৰাণৰ বিধায়ক চক্ৰধৰ গগৈ ৷ কণ্ঠশিল্পী প্ৰহেলিকা শৰ্মাৰ সৈতে বিয়াত বহিব বিধায়কজন ৷

ডিব্ৰুগড়, 6 অক্টোবৰঃ শাৰদীয় দুৰ্গা পূজাৰ নৱমীৰ দিনা অৰ্থাৎ 7 অক্টোবৰত বিবাহপাশত আৱদ্ধ হ’ব মৰাণৰ বিধায়ক চক্ৰধৰ গগৈ ৷ আজাৰগুৰী নিবাসী কুমুদ চন্দ্ৰ শৰ্মা আৰু পূণ্যপ্ৰভা শৰ্মাৰ কন্যা প্ৰহেলিকা শৰ্মাৰ সৈতে বিয়াত বহিব বিধায়কজন ৷ প্ৰহেলিকা ডিব্ৰুগড় বিশ্ববিদ্যালয়ৰ সংগীত বিভাগৰ স্নাতকোত্তৰ বৰ্ষৰ ছাত্ৰী হোৱাৰ লগতে এগৰাকী কণ্ঠশিল্পী ৷ সমাজৰ বিভিন্ন ক্ষেত্ৰলৈ বিশেষ ভাৱে অৱদান থকা দৰা-কইনালৈ দুয়োগৰাকীলৈ বিভিন্ন জনে শুভেচ্ছা বাৰ্তা দিয়াৰ লগতে কেন্দ্ৰীয় মন্ত্ৰী ৰামেশ্বৰ তেলীও কইনা ঘৰত উপস্থিত হৈ শুভেচ্ছা প্ৰদান কৰে ৷