জীৱনৰ দ্বিতীয় ইনিংছ মুকলি কৰিলে বিধায়ক চক্ৰ গগৈয়ে

যুগ্ম জীৱনৰ পাতনি মেলিলে মৰাণ সমষ্টিৰ বিধায়ক চক্ৰ গগৈয়ে ৷ প্ৰহেলিকা শৰ্মাৰ সৈতে বিবাহপাশত আবদ্ধ হয় মৰাণৰ বিধায়কগৰাকী ৷

ডিব্ৰুগড়, 8 অক্টোবৰঃ বহু প্ৰতিক্ষাৰ অন্তত সোমবাৰে হোমৰ জুইক সাক্ষী কৰি যুগ্ম জীৱনৰ পাতনি মেলিলে মৰাণ সমষ্টিৰ বিধায়ক চক্ৰ গগৈয়ে ৷ মৰাণ সমষ্টিৰে খোৱাং আজাৰগুৰীৰ নিবাসী কুমুদ চন্দ্ৰ শৰ্মা আৰু পূণ্যপ্ৰভা শৰ্মাৰ কন্যা প্ৰহেলিকা শৰ্মা সৈতে বিবাহপাশত বহে মৰাণৰ বিধায়কগৰাকী ৷ উল্লেখ্য যে, দীৰ্ঘদিনীয়া প্ৰেমৰ সম্পৰ্কৰ পাচতেই বিবাহপাশত আবদ্ধ হয় দুয়ো ৷

ডিব্ৰুগড় বিশ্ববিদ্যালয়ৰ সংগীত বিভাগৰ স্নাতকোত্তৰ বৰ্ষৰ ছাত্ৰী প্ৰহেলিকা এগৰাকী কণ্ঠশিল্পীও ৷ উদুলি মুদুলি পৰিৱেশৰ মাজত সোমবাৰে দৰা ঘৰীয়া হৈ কন্যা নিবলৈ আহিল সাংসদ তপন গগৈ, বিধায়ক ক্ৰমে যোগেন মোহন, বিমল বৰা, ৰিতুপৰ্ণ বৰুৱাৰ লগতে দলীয় বহু নেতা কৰ্মী ।